Í dag, 10. september, er alþjóðlegur forvarnardagur sjálfsvíga. Á heimsvísu eru sjálfsvíg meðal 20 algengustu dánarorsaka, en um 800.000 einstaklinga deyja árlega í sjálfsvígi. Á síðastliðnum áratug hefur árlegur fjöldi sjálfsvíga á Íslandi verið á bilinu 27-49, eða að meðaltali 39 á ári. Eftir áralangar rannsóknir og forvarnarstarf þá komumst við nær því að skilja betur áhættuþætti sjálfsvíga. Það sem gerir forvarnarstarf sjálfsvíga hins vegar flókið er að áhættuþættirnir eru margir og eru samspil líkamlegra, umhverfis- og félagslegra þátta

Nú höfum við fengið nýjar umgengnisreglur miðað við 200 manns í hólfi og 1 metra. Nýju reglurnar taka gildi mánudaginn 7. september og eru svohljóðandi:

Á fundi almannavarna í gær var boðað að frá og með mánudeginum 7. september megi 200 manns koma saman. Þetta eru aldeilis góðar fréttir fyrir okkur og þýðir í raun að við getum fært okkur meira úr fjarnámsumhverfinu í staðnám þótt við höldum okkur við sóttvarnarhólfin eins og áður. Stjórnendur skólans hamast nú við að útfæra skólastarfið miðað við nýjar reglur og eru nemendur og forráðamenn þeirra því hvattir til að fylgjast sérstaklega vel með tölvupósti og í Innu næstu daga.

Athygli er vakin á því að sjálfsmatsskýrsla síðasta skólaárs er nú tilbúin og liggur frammi hér. Sömuleiðis er ársskýrsla 2019 tilbúin og er hún aðgengileg hér. Þessar skýrslur og skýrslur fyrri ára er að finna undir liðnum Skjöl neðst á vef skólans.

Langflestir nemendur og kennarar FVA fylgja umgengnisreglum sem settar voru í upphafi skólaárs okkur öllum til góðs. Reglurnar eru í raun einfaldar, að fara ekki á milli sóttvarnarhólfa (mismunandi álmur skólans) nema spritta sig á milli með nýju snertilausu sprittgjöfunum sem bíða ykkar við hvern inngang í húsið og víðar, og halda sig hægra megin á ganginum  með 1 m millibili. Í kennslustofum er borðum raðað með nákvæmlega 1 m millibili og hafa nemendur skipað sér til sætis í samræmi við það. Mötuneytið er áfram lokað vegna covid nema fyrir heimavistarbúa en morgunhressing er í boði fyrir nemendur í afreksíþróttum tvo daga í viku.

Please publish modules in offcanvas position.