Fjölbreytt nám
Fjölbreytt nám
Jafnrétti - Virðing - Fjölbreytni
Jafnrétti - Virðing - Fjölbreytni

Nemendum skólans stendur til boða að taka þátt í landskeppninni Ungir vísindamenn sem fram fer í lok apríl. Umsóknarfrestur rennur út þann 1. febrúar nk. Til mikils er að vinna þvívinningshafa / vinningshöfum ásamt leiðbeinanda er boðið í Evrópukeppnina sem fer fram í Rússlandi síðari hluta septembermánaðar.

Keppnin er opin öllum námsmönnum á aldrinum 15-20 ára. Þátttakendur velja sér viðfangsefni, rannsaka það og setja fram niðurstöður. Leiðbeinandi er annað hvort kennari við skólann eða annar sérfræðingur sem skólinn eða umsjónarmenn keppninnar fá til verksins. Það er nóg að hafa góða hugmynd að rannsóknarverkefni (og helst leiðbeinenda) til að skrá sig, en best er þó að vera kominn eitthvað áleiðis með rannsóknina. Nánari upplýsingar er að finna á heimasíðu verkefnisins: http://ungirvisindamenn.hi.is/

Í dag opnar Verið, nýtt náms- og stuðningsver FVA. Verið er til staðar í stofu B203 og auk kennara aðstoða eldri nemendur við námið. Í Verinu fá nemendur fjölbreytta námsaðstoð, t.d. við skipulagninu náms, upplýsingar um forrit og tækni sem nýtist þeim í námi ásamt því að fá aðstoð við heimanám, verkefna- og ritgerðarsmíð.

Athygli er vakin á því að nú er búið að uppfæra stundatöflu dreifnáms í vélvirkjun hér á heimasíðu skólans. Sjá hér.
Athugið að prentvæna útgáfu stundatöflunnar er að finna neðst á síðu dreifnámsins eða neðst í þessari frétt.

Dagana 7. og 8. febrúar fá 300 framhaldsskólanemar tækifæri til að taka þátt í Háskólahermi í Háskóla Íslands. Þetta er árlegur viðburður en þátttakendur í Háskólaherminum heimsækja fræðasvið Háskóla Íslands og leysa ýmis verkefni. Eftir heimsóknina ættu þeir að hafa góða innsýn í námsframboð HÍ og hugmyndir um hvað nám á mismunandi sviðum felur í sér. Það kostar ekkert að taka þátt í Háskólaherminum og er hann hugsaður fyrir þá nemendur sem eru u.þ.b. hálfnaðir með nám sitt í framhaldsskóla.

Kynning á Háskólaherminum 2019 verður á sal FVA í fyrramálið kl. 9 og eru nemendur fæddir 2001 hvattir til að mæta og kynna sér málið.

Fyrsta umferð Gettu betur, spurningakeppni framhaldsskólanna, hófst í vikunni og er keppnin í beinni útsendingu á Rás 2. Í kvöld mun lið Fjölbrautaskóla Vesturlands etja kappi við lið Menntaskólans á Akureyri og hefst viðureignin klukkan 21. Lið FVA skipa þau Amalía Sif Jessen, Guðmundur Þór Hannesson og Karl Ívar Alfreðsson. Gangi ykkur vel, áfram FVA!

Please publish modules in offcanvas position.