Dimission

Lokahóf útskriftarnema (dimission) er í dag. Þeir mættu í skólann klæddir sem fornmenn frá Spörtu og byrjuðu daginn á að bjóða starfsfólki til morgunverðar. Í síðasta tíma fyrir hádegi höfðu þeir skemmtun á sal fyrir skólafélaga og starfsmenn. Eftir hádegi fóru þeir í óvissuferð. Gleðskap dagsins lýkur svo með dansleik nemendafélagsins í Gamla Kaupfélaginu. Ballið byrjar klukkan 22.

Fleiri myndir eru á facebook síðu skólans.

Úrslit stjórnarkjörs í nemendafélaginu

Dagsetningar við lok vorannar og upphaf haustannar

Dagsetningar við lok vorannar og upphaf haustannar 2014 hafa verið færðar inn á dagatalið hér til vinstri. Þær helstu eru:
- 8. til 19. maí: Próf samkvæmt próftöflu.
- 20. maí: Sjúkrapróf.
- 21. maí: Prófsýning klukkan 11 til 12.
- 24. maí: Brautskráning og skólaslit klukkan 14.
- 22. ágúst: Skólasetning klukkan 10. Dagskrá fyrir nýnema til klukkan 14.
- 25. ágúst: Kennsla hefst samkvæmt stundaskrá.
- 16. til 20. október: Miðannarfrí.

Stjórnarkjör í nemendafélaginu fyrir skólaárið 2014 til 2015

Í dag kjósa nemendur stjórn nemendafélagsins fyrir næsta skólaár. Í kjöri til formanns eru Bergþóra Ingþórsdóttir og Þorsteinn Bjarki Pétursson.
  Auk formanns eru kosnir fjórir meðstjórnendur og sá fimmti verður kosinn úr hópi nýnema þegar skóli hefst í haust. Þeir sem gefa kost á sér sem meðstjórnendur eru Aldís Rós Hrólfsdóttir, Alexander Aron Guðjónsson, Almar Knörr Hjaltason, Andrés Konráð Gunnarsson, Ásgeir Pálmason, Elínborg Egilsdóttir, Guðmundur Brynjar Júlíusson, Heiðmar Eyjólfsson, Rakel Rósa Þorsteinsdóttir, Sigrún Ágústa Helgudóttir, Sindri Snær Alfreðsson, Sævar Berg Sigurðsson og Vilborg Júlía Pétursdóttir. 
  Auk þess að kjósa aðalstjórn velja nemendur milli þriggja framboða til stjórnar tónlsitarklúbbs. Þau eru: Tríóið Heiðmar Eyjólfsson, Helgi Sigurðsson og Sindri Snær Alfreðsson; Kristinn Bragi Garðarsson; Dúettinn Hjördís Tinna Pálmadóttir og Sigurlaug Rún Hjartardóttir.
  Úrslit kosninganna varða tilkynnt á aðalfundi félagsins á mánudaginn.

Próftafla vorannar 2014

Próftafla vorannar 2014 liggur frammi undir Námið ⇒ Próftafla á valmyndinni hér að ofan.

Skrifstofa opin til hádegis á miðvikudag

Á miðvikudag í dymbilviku, 16. apríl, er skrifstofa skólans lokuð frá hádegi. Hún opnar aftur á þriðjudag í páskaviku, 22. apríl.

Úrslit í stærðfræðikeppni

Föstudaginn 11. apríl var athöfn á sal skólans klukkan 16:30 þar sem afhendar voru viðurkenningar fyrir góðan árangur í stærðfræðikeppni fyrir unglingastig grunnskóla. Þeim tíu efstu úr hverjum árgangi var boðið að koma og taka við viðurkenningarskjölum. Auk viðurkenningarskjala fengu þrír efstu úr hverjum árgangi peningaverðlaun, 20.000 krónur fyrir fyrsta sæti, 15.000 fyrir annað sæti og 10.000 fyrir þriðja sæti.

Red Cross Nordic United World College

Niðurstöður skólaþings

Teknar hafa verið saman helstu niðurstöður skólaþingsins sem haldið var 25. febrúar. Þær eru í PDF-skrá sem er krækt í neðan við þessa frétt.

Breyting á skóladagatali vorannar 2014

Til að bæta að nokkru kennslutap í verkfalli verður bætt við 5 kennsludögum eftir páska. Þessir dagar eru:

 - 22. apríl (þriðjudagur eftir páska)
 - 23. apríl (miðvikudagur eftir páska)
 - 05. maí (átti að vera fyrir próf/námsmat utan próftöflu)
 - 06. maí (átti að vera fyrsti prófdagur samkvæmt próftöflu)
 - 07. maí (átti að vera annar prófdagur samkvæmt próftöflu)

Prófum í próftöflu verður þjappað á 8 daga og próf haldin á tímabilinu 8. til 19. maí. Sjúkrapróf verða 20. maí (ekki 19. maí eins og til stóð). Prófsýning verður 21. maí (ekki 20. maí eins og til stóð). Brautskráning verður 24. maí eins og áætlað var. 
   Nemendur eru mjög eindregið hvattir til að mæta vel og nýta sem best tímann til annarloka.

Afhending viðurkenninga fyrir góðan árangur í stærðfræðikeppni

Næsta föstudag, 11. apríl, klukkan 16:30 til 17.30 verður athöfn á sal skólans þar sem verða afhentar viðurkenningar fyrir góðan árangur í stærðfræðikeppni fyrir áttundu, níundu og tíundu bekki. Tíu efstu keppendum í hverjum árgangi eða boðið að mæta og taka við viðurkenningum.

Samningar tókust í gær - verkfalli frestað

Í gær var undirritaður kjarasamningur milli fjármálaráðherra og Kennarasambands Íslands. Á mánudag eru kennarar boðaðir á fund klukkan 8:00 til 8:20 svo verður kennsla samkvæmt stundaskrá frá klukkan 8:30. 
   Helgarkennsla í húsasmíði hófst í morgun og á myndinni hér að neðan er Sigurgeir Sveinsson kennari og nokkrir nemenda hans að læra teikningu. Myndin var tekin um klukkan 10 í morgun í kennslustund sem ef til vill var sú fyrsta á landinu eftir verkfall.
   Breytingar á skóladagatali verða kynntar á vef skólans á mánudag. Þá verður einnig tilkynnt hvenær viðurkenningar fyrir góðan árangur í stærðfræðikeppni verða veittar.

Vakin er athygli á kynningarfundi um raunfærnimat 14. apríl

Afhendingu viðurkenninga fyrir góðan árangur í stærðfræðikeppni frestað

Afhendingu viðurkenninga fyrir góðan árangur í stærðfræðikeppni, sem vera átti klukkan 13 laugardaginn 5. apríl, er frestað vegna verkfalls framhaldsskólakennara. Ný tímasetning verður auglýst á þessum vef þegar verkfalli lýkur.