▼ Viðbragðsáætlun FVA vegna COVID-19 haustönn 2020 ▼
▼ Ferli ef upp kemur smit í FVA ▼

Nýjar tilkynningar:

19.10.2020, mánudagur - Haustfrí að baki og seinni hálfleikur hafinn. Kominn tími til að snúa sér aftur að skjánum og skólabókunum og huga að skipulaginu. Hér er hugmynd að skipulagi sem hver getur lagað að sínum þörfum. Guðrún og Ólöf, náms- og starfsráðgjafar, veita líka aðstoð - ekki hika við að hafa samband!

13.10.2020, þriðjudagur - Námsmatsdagar standa yfir í dag og á morgun. Þá er ekki hefðbundin kennsla og skipulagið mismunandi eftir áföngum. Kennarar veita nánari upplýsingar um skipulag hvers áfanga, sumir fara í hlutapróf, aðrir vinna verkefni eða mæta í viðtal. Á fimmtudag og föstudag er svo komið að langþráðu haustfríi, við eigum það öll skilið 💗

9.10.2020 - Heilsuleikar FVA eru hafnir og standa yfir frá 9.-23. október. Markmiðið er að við hættum ekki að hreyfa okkur og hugsa um heilsuna þótt við eigum að halda okkur heima. Allir nemendur og starfsfólk FVA getur tekið þátt, taktu mynd sem sýnir hvernig þú sinnir heilsunni í útivist, hreyfingu eða með hollu mataræði, deildu myndinni í story á Instagram og taggaðu @fjolbraut. Vegleg verðlaun í boði, vertu með!

9.10.2020, föstudagur -  Leiklistarklúbburinn Melló hefur nú tekið þá erfiðu ákvörðun að aflýsa öllum sýningum á Dýrunum í Hálsaskógi. Þessum frábæra leikhópi tókst því miður ekki að leika á veiruna 😥 Stefnt er á aðra leiksýningu í vor.

5.10.2020, mánudagur -  Nú hefur bóknámið á ný verið flutt í fjarnámsumhverfið. Ástæðan er sú að smitum fjölgar hratt í samfélaginu þessa dagana og hertar sóttvarnaaðgerðir tóku gildi nú á miðnætti. Verknám og starfsbraut er að mestu í staðkennslu, íþróttir eru kenndar utanhúss og í fjarnámi, mötuneytið er aðeins opið fyrir verknám og starfsfólk og heimavist er eingöngu opin fyrir verknámsnemendur. Náms- og starfsráðgjafar eru til taks (This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it.) og bókasafnið er opið eins og venjulega (gengið inn Vallholtsmegin). 

28.9.2020, mánudagur -  Við erum komin í fullt staðnám á ný, grímuklædd og sprittuð. Grímur eru afhentar í skólanum og við hvikum hvergi frá okkar skýru sóttvarnareglum, sem eru 1 m fjarlægð, hægri umferð á göngum, spritta borðin, spritta milli sóttvarnarhólfa og þvo sér um hendur.

20.9.2020, sunnudagur. Í ljósi fjölgunar smita og þess að við bíðum eftir niðurstöðum úr sýnatöku nemenda í sóttkví hefur verið ákveðið að allt bóknám fari fram í fjarkennslu í næstu viku. Verið er að breyta stundartöflum í Innu, fylgist með. Vonandi getum við hafið staðnám að nýju í næstu viku. Þangað til, sprittið ykkur og þvoið um hendur og farið varlega!

8.9.2020, þriðjudagur. Það lifnaði heldur betur yfir göngum skólans í gær þegar nemendur og kennarar mættu í hús. Allar kennslustundir fara nú fram í skólanum og stofur hafa verið uppfærðar hjá öllum hópum í Innu. Algeng spurning vikunnar: hvar er stofan tölvuver? Tölvuverið er staðsett í D-álmu á móti bókasafninu á 1. hæð! Mötuneytið er opið í hádeginu fyrir þá sem kaupa mat, en er lokað í frímínútum enn um sinn.

4.9.2020, föstudagur. Á fundi almannavarna í gær var boðað að frá mánudeginum 7. september megi 200 manns koma saman. Þetta eru góðar fréttir fyrir okkur og þýðir í raun að við getum fært okkur meira úr fjarnámsumhverfinu í staðnám. Stjórnendur skólans eru að útfæra þetta og eru nemendur og forráðamenn þeirra því hvattir til að fylgjast vel með tölvupósti og í Innu næstu daga.

2.9.2020, miðvikudagur. Langflestir nemendur og kennarar FVA fylgja umgengnisreglum sem settar voru í upphafi skólaárs okkur öllum til góðs. Reglurnar eru í raun einfaldar, að fara ekki á milli sóttvarnarhólfa (mismunandi álmur skólans) nema spritta sig á milli með nýju snertilausu sprittgjöfunum sem bíða ykkar við hvern inngang í húsið og víðar, og halda sig hægra megin á ganginum  með 1 m millibili. Í kennslustofum er borðum raðað með nákvæmlega 1 m millibili og hafa nemendur skipað sér til sætis í samræmi við það. Mötuneytið er áfram lokað vegna covid nema fyrir heimavistarbúa en morgunhressing er í boði fyrir nemendur í afreksíþróttum tvo daga í viku. Hver og einn ber svo ábyrgð á einstaklingssóttvörnum, þ.e. handþvotti og að halda fjarlægðarmörk, utan skóla sem innan. Takk allir, fyrir ykkar framlag til sóttvarna, ekkert smit hefur enn greinst í okkar skóla!

24.8.2020, mánudagur. Fyrsta kennsluvika haustannar er liðin. Inna var stríðin þessa fyrstu viku, talsverður hægagangur í kennslukerfinu og mikið reyndi á þolinmæði nemenda og kennara sem reyna sitt besta í þessum aðstæðum. Ekki gefast upp og ekki hika við að hafa samband ef þið eruð í vandræðum. Við minnum á að Tölvuhjálp FVA er með netfangið This email address is being protected from spambots. You need JavaScript enabled to view it.

17.8.2020, mánudagur. Í morgun var opnað fyrir stundatöflur og töflubreytingar í Innu. Guðrún Sigríður náms- og starfsráðgjafi verður til viðtals vegna töflubreytinga ásamt Jónínu og Þorbjörgu áfangstjórum kl. 10 - 16 í dag og á morgun. Þær eru staðsettar á fyrstu hæðinni í B-álmu (í tölvustofum og hjá náms- og starfsráðgjöfum). Það má einnig senda póst á netföngin This email address is being protected from spambots. You need JavaScript enabled to view it., This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it. og þær hafa samband.

14.8.2020, föstudagur. Í morgun mættu kennarar skólans á kennarafund og fengu loks að hittast augliti til auglitis eftir langan aðskilnað, þó með eins metra fjarlægð að sjálfsögðu. Við gerum enn ráð fyrir því að hefja kennslu miðvikudaginn 19. ágúst og í staðnámi eins og kostur er, þó með fjarnámssniði að einhverju leyti. Slíkt krefst ígrundaðrar skipulagningar og styttist óðum í að skipulagið fái að líta dagsins ljós. Njótið síðustu helgarinnar í sumarfríinu kæru nemendur, við erum ó svo spennt að sjá ykkur loksins á ný!

11.8.2020, þriðjudagur. Nemendur hugsa eflaust margir spenntir til þess að fá loksins að mæta í skólann. Það styttist! En, af því okkur er umhugað um heilsu og öryggi ykkar og starfsfólks þá verður skólahald að taka mið af því. Stefnan er þó sú að leggja áherslu á staðkennslu á þessari önn eins og hægt er miðað við aðstæður, en í bland við fjarkennslu. Nýnemar mæta í skólann þriðjudaginn 18. ágúst (ekki þann 17. eins og fyrirhugað var). Við munum senda öllum nýnemum nánari upplýsingar þegar nær dregur. Kennsla hefst 19. ágúst (ekki 18. eins og fyrirhugað var) og verður fyrirkomulagið kynnt fljótlega. Sjá frétt á vef skólans.

31.7.2020, föstudagur. Eins og þið hafið eflaust séð taka nú gildi á ný hertar sóttvarnarreglur vegna kórónuveirunnar. Þær taka til fjölda einstaklinga sem kemur saman og miðast nú við 100 manns. Þá tekur tveggja metra reglan gildi aftur og er ekki valfrjáls. Ekki faðma, muna að hósta í olnbogabót, spritta sig! Mikilvægt er að halda sig heima ef þú finnur fyrir einhverjum einkennum þótt væg séu. Þessar hertu reglur gilda út 13. ágúst. Við látum strax vita ef þær hafa einhver áhrif á skólabyrjunina en skólinn hefst með dagskrá fyrir nýnema þann 17. ágúst og kennsla skv. stundaskrá hefst þriðjudaginn 18. ágúst.

15.5.2020, föstudagur - Glænýtt heilsupepp frá heilsueflingarteyminu er komið á vefinn, ert þú ekki örugglega að passa að fá næga hreyfingu í samkomubanninu?

14.5.2020, fimmtudagur - Í dag kl. 15:30 opnar sýning á lokaverkefnum nemenda í myndlistaráfanganum (MYNL1GM05) hjá Kollu. Sýningin er í Leirbakaríinu, Suðurgötu 50a og verður opin fram á sunnudag.

11.5.2020, mánudagur - Nemendur eru hvattir til að undarbúa sig tímanlega fyrir rafræn lokapróf, hafa netaðgang alveg á hreinu (hafa má samband við This email address is being protected from spambots. You need JavaScript enabled to view it.), skoða vel öll skilaboð frá kennara í INNU og tölvupósti tímanlega fyrir prófdag og hafa tölvu og síma fullhlaðna þegar prófatími rennur upp. Tölvuhjálp FVA verður á vaktinni og þeir sem þurfa aðstoð geta sent póst til This email address is being protected from spambots. You need JavaScript enabled to view it. eða hringt beint í Sigurjón í s. 8617518. 

6.5.2020, miðvikudagur - Námsmatsdagar hefjast í dag. Í Innu geta nemendur séð breytta stundatöflu og hvenær þeir eiga að vera í prófi. Próftaflan er hér. Hér má finna hagnýt ráð frá náms- og starfsráðgjöfum vegna rafrænna heimaprófa. Ekki hika við að hafa samband ef við getum eitthvað aðstoðað!

4.5.2020, mánudagur - Það lifnaði aðeins yfir göngum skólans í morgun þegar litlir hópar nemenda mættu í sínar stofur og hittu kennara sína eftir 7 vikna aðskilnað. Einungis þeir nemendur sem eru sérstaklega boðaðir eiga að mæta í skólann, aðrir halda áfram námi sínu í fjarnámsumhverfi. Litlu skrefin!

30.4.2020, fimmtudagur - Nú geta þeir sem vilja nýta lesaðstöðuna á bókasafni FVA 4.-18. maí bókað tíma í síma 4332515 og í tölvupósti/Teams á This email address is being protected from spambots. You need JavaScript enabled to view it.. Tvö hólf eru í boði á dag, kl. 9-12 og 13-16 og einungis 10 nemendur komast í hvort hólf. Nauðsynlegt er að eiga tíma í hólfi til að komast inn. Björg á bókasafninu veitir nánari upplýsingar

29.4.2020 - Í dag kl. 15 verður jafningjafræðsla í stærðfræði, þið getið náð sambandi í gegnum Siggu námsráðgjafa (This email address is being protected from spambots. You need JavaScript enabled to view it.)

29.4.2020 - Í dag er Jóhann kennari til aðstoðar í raungreinum (stærðfræði, efnafræði og eðlisfræði) milli kl. 13-15. Hann verður líka til staðar á morgun fimmtudag kl. 10-12. Mæltu þér mót við hann í Teams (This email address is being protected from spambots. You need JavaScript enabled to view it.)

29.4.2020, miðvikudagur - Í gær fengu nemendur póst frá skólameistara með upplýsingum um lok vorannar 2019. Póstinn má lesa hér.

28.4.2020, þriðjudagur - Náms- og starfsráðgjöf FVA hefur tekið saman nokkra gagnlega punkta vegna rafrænna heimaprófa.

27.4.2020 - Nú er búið að opna fyrir umsóknir um sérúrræði í lokaprófum. Sótt er um í gegnum Innu en athugið að ekki þarf að sækja sérstaklega um lengri próftíma. Umsóknarfrestur er til 3. maí.

27.4.2020, mánudagur - Stutt vika framundan, frí á föstudaginn 1. maí. Í næstu viku hefjast námsmatsdagar (6.-20. maí) og í Innu getur þú séð hvernig stundataflan þín breytist þá daga. Próftöfluna getur þú svo skoðað hér.

24.4.2020, föstudagur - Gleðilegt sumar! Vonandi naustu fimmtudagsfrísins í gær. Hér getur þú lesið sumarkveðju frá Steinunni Ingu, skólameistara.

22.4.2020, miðvikudagur - ...en enginn venjulegur miðvikudagur. Það er síðasti vetrardagur í dag og fyrsti dagurs sumars á morgun. Hvernig væri að byrja daginn á að lesa splunkunýtt og vorlegt heilsupepp frá heilsueflingarteyminu okkar👍

21.4.2020 - Á morgun verður Jóhann kennari til taks á Teams og veitir aðstoð í raungreinum (stærðfræði-efnafræði-eðlisfræði) milli kl. 13.00-14:30. Endilega nýttu þér tækifærið og hafðu samband!

21.4.2020, þriðjudagur - Þrítugastiogsjöundi dagurinn í samkomubanni og við höldum ótrauð áfram, enda ætlum við að klára þetta verkefni. Ekki annað hægt!

20.4.2020 - Á miðvikudaginn kl. 15 verður jafningjafræðsla í stærðfræði á Teams. Brynhildur og Hrönn verða tilbúnar fyrir spurningar og spjall. Hægt verður að senda á þær spurningar frá kl. 14.30 til að þetta gangi sem best fyrir sig. Einnig er hægt að setja sig í samband við þær í gegnum námsráðgjafa. Endilega nýtið þetta frábæra tækifæri 🙂

20.4.2020 - Hvernig gengur að halda skipulaginu? Hefurðu prófað að teikna upp skipulag fyrir daginn? Hér er sýnishorn sem þú getur lagað að þínum þörfum. Endilega prófaðu, þetta hjálpar!

20.4.2020, mánudagur - Stutt vika framundan, Sumardagurinn fyrsti er á fimmtudaginn og þá er frí. Við erum ekki frá því að það sé vorlykt í lofti, endilega líttu út og athugaðu málið.

17.4.2020, föstudagur - Í dag var haldinn deildarstjórafundur. Ýmsar hugmyndir eru uppi um framhaldið eftir 4. maí en ljóst að skólahald verður að mestu áfram með fjarnámssniði. Áhersla verður lögð á að verknámsnemar fái að koma í litlum hópum til að klára verklegan hluta námsins svo og nemendur á starfsbraut. Lestu ný skilaboð frá Steinunni Ingu skólameistara hér.

16.4.2020 - Ertu að skrifa ritgerð eða verkefni? Björg á bókasafninu getur hjálpað til við að finna heimildir og aðstoðað þig við skrifin. Hafðu samband í tölvupósti eða Teams á This email address is being protected from spambots. You need JavaScript enabled to view it.

16.4.2020, fimmtudagur - Samkomubannið tekur vissulega á okkur öll en sem betur fer eru öruggar leiðir færar til að njóta félagsskapar og hitta fólk. Ef þú saknar samskipta og finnur til einmanaleika, hvernig væri að hringja í nokkra vini í dag? Eða stinga upp á að hittast í Teams, Zoom eða Housparty í kvöld? Láttu vaða, stundum þarf bara að taka af skarið!

15.4.2020 - Í gær kynntu stjórnvöld þau skref sem tekin verða til afléttingar samkomubanns. Fyrsta skrefið verður tekið 4. maí og þá mega 50 manns koma saman í stað 20. Enn er það of fámennur hópur til að skólinn geti opnað á ný fyrir alla nemendur. Stjórnendur FVA vinna nú að lausn og að loknum deildarstjórafundi næsta föstudag verður tilkynnt um það hvað gerist í FVA eftir 4. maí.

15.4.2020, miðvikudagur - Stóri dagurinn er runninn upp, tími til að rífa af sér páskaværðina og rísa upp. Veistu ekki hvað liggur fyrir? Hafðu samband við kennarana og athugaðu málið. Veistu ekki hvernig þú átt að byrja? Hafðu samband við náms- og starfsráðgjöfina í síma 4332519 (eða This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it. í tölvupósti eða á Teams), þær Sigga og Ólöf vilja endilega heyra í nemendum. Við hjálpumst að við lokasprettinn sem hefst núna!

14.4.2020, þriðjudagur - Þá er páskafríinu að ljúka og framundan er upprisa nemenda og kennara sem hafa vonandi átt góða og endurnærandi frídaga. Í dag er starfsdagur og kennsla hefst úr fjarskanum samkvæmt stundaskrá í fyrramálið, skjáumst þá!

3.4.2020 - Hér getur þú lesið páskakveðju frá Steinunni skólameistara!

3.4.2020 - Nemendur eru hvattir til að svara nafnlausri viðhorfskönnun á Innu! Við viljum heyra frá ykkur svo við vitum hvað megi betur fara 🙂

3.4.2020 - Gert er ráð fyrir því að fjarnámsumhverfið ríki áfram að páskafríi loknu enda samkomubannið gilda til 5. maí í það minnsta.

3.4.2020, föstudagur - Upp er runninn síðasti kennsludagur fyrir langþráð páskafrí og um að gera að njóta síðustu Teams-fundanna í bili og skila síðustu verkefnunum 👍

2.4.2020 - Okkar frábæra heilsueflingarteymi var að senda út splunkunýtt heilsupepp, að þessi sinni um matarÆÐI. Sjáðu bara hér.

2.4.2002, fimmtudagur - Nú fer að líða að lokum þriðju viku í samkomubanni og kjörið að nýta daginn í að ljúka þeim verkefnum sem á að skila fyrir páska. Þú getur þetta!

1.4.2020 - Þið megið endilega senda okkur línu á This email address is being protected from spambots. You need JavaScript enabled to view it. ef við getum bætt okkur í þjónustu eða upplýsingagjöf. 

1.4.2020 - Hvernig væri að prófa gagnlega heilaleikfimi í frímínútunum í dag? Til dæmis gæti verið gaman að prófa OrðavinduNetskraflOrðrýnuSudokuGeo Guesser og fleiri!

1.4.2020, miðvikudagur - Sólríkur og bjartur dagur á Akranesi, endilega skottastu út og athugaðu málið. Þetta er örugglega ekki gabb.

31.3.2020, þriðjudagur - Vonandi eru flestir, ef ekki allir, komnir í gang í fjarnáminu og búnir að finna sinn í takt í þessu sameiginlega verkefni okkar. Ef þér finnst þú hafa misst af miklu þessar síðustu tvær vikur, hafðu þá endilega samband strax. Það er ekki of seint að spýta í lófana og ná tökum á þessu! Sigga og Ólöf veita fúslega aðstoð í síma 4332519 eða þú getur haft samband í Teams og tölvupósti á This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it.

30.3.2020 - Þeir sem lenda í tölvuvandræðum, vantar nýtt lykilorð eða komast ekki í Office365geta sent póst á This email address is being protected from spambots. You need JavaScript enabled to view it. og fengið aðstoð þar. 

30.3.2020, mánudagur - Þriðja vika samkomubanns er hafin og við höldum ótrauð áfram veginn. Lastu ekki örugglega póstinn sem Sigga og Ólöf sendu fyrir helgi? Sjá hér.

27.3.2020 - Við ljúkum þessari viku með hvatningarorðum frá meistara Steinunni, við klárum þetta langhlaup saman 👍 Góða helgi öll sömul, farið vel með ykkur!

27.3.2020Föstudagur og helgarfrí alveg að bresta á. Fínasta veður á Akranesi og sólin lætur sjá sig öðru hverju. Hvernig væri að hlæja aðeins með Ara Eldjárn í frímínútunum á eftir (í boði Iðunnar fræðsluseturs) og fara svo út í góða veðrið?

26.3.2020 - Við erum svo heppin að í skólanum starfar öflugt heilsueflingarteymi. Nemendur voru að fá sendan póst frá teyminu með splunkunýju heilsupeppi og fullt af góðum ráðum. Sjáið bara!

26.3.2020 - Heimavist - Búið er að breyta áður útsendum greiðsluseðlum vegna heimavistargjalda. Leigugjöldin voru lækkuð og greiðsluseðlarnir sem eru í heimabanka nemenda/forráðamanna eru því fyrir tímabilið 1. – 13. mars.

26.3.2020 - Mötuneyti - Búið er að senda út greiðsluseðla vegna fæðis í mötuneyti FVA fyrir tímabilið 24. febrúar til 13. mars.

26.3.2020 -  Hefurðu prófað að nota Pomodoro-aðferðina í tímastjórnun? Aðferðin gengur út á 25 mínútna vinnulotur þar sem þú lætur ekkert trufla þig. Þegar tíminn er liðinn áttu að standa upp, hvíla þig, fá þér hressingu eða gera eitthvað allt annað þangað til næsta 25 mínútna vinnulota hefst. Prófaðu!

26.3.2020, fimmtudagur - Hvernig væri að fara í góðan göngutúr í dag og jafnvel gera æfingar á leiðinni? Helena okkar Ólafsdóttir leyfði okkur að deila myndbandi þar sem hún sýnir alls konar gönguæfingar sem auðvelt er að gera úti í náttúrunni og við hvetjum ykkur til að prófa 🙂

25.3.2020, miðvikudagur - Á tíunda degi samkomubanns eru sum okkar kannski orðin óþolinmóð. En það er margt hægt að gera þótt við verðum að halda okkur heima. Það er mjög mikilvægt að halda áfram að gera eitthvað skemmtilegt, hringja í vini, hlusta á tónlist, fara út að hreyfa sig eða læra eitthvað nýtt. Við viljum hvetja ykkur til að nýta allt það sem nú er í boði í streymi: tónleika, danstíma, fjarþjálfun og fjölbreytta skemmtun og fræðslu. 

24.3.2020 - Nú er hægt að ná í Siggu námsráðgjafa í síma 4332519 (á dagvinnutíma). Hún vill endilega heyra í ykkur nemendum og hvetur ykkur til að vera ekki feimin við að hafa samband.

24.3.2020, þriðjudagur- Er ekki annars þriðjudagur? Nú fer dagaruglingur að segja til sín í fjarvinnunni... Það er sérlega sólríkur morgunn á Akranesi. Hvernig væri að fara í göngutúr í frímínútunum og njóta blíðunnar? Ekki gleyma hreyfingunni!

23.3.2020 - Skilaboð frá Þorbjörgu til þín 🙂

23.3.2020, mánudagur - Ný vika hafin. Snjórinn er að mestu farinn hér á Akranesi. Hvernig væri að byrja daginn á að kíkja á góð ráð frá Siggu og Ólöfu og leggja línurnar fyrir vikuna?

20.3.2020 - Hefurðu séð Instagram FVA í dag? Myndir frá vinnuaðstöðu kennara og góð ráð frá náms- og starfsráðgjöfum FVA. Fylgstu með!

20.3.2020 - Hér er hressandi heilsupepp frá heilsueflingarteyminu 🙂

20.3.2020 - Hér er hægt að lesa skilaboð frá Steinunni skólameistara sem hægt er að taka með sér inn í kærkomið helgarfrí.

20.3.2020, föstudagur - Dagur fimm í samkomubanni. Við erum óðum að finna okkar takt í nýja námsumhverfinu. Óneitanlega fylgir meira áreiti þegar tölvupóstar og tilkynningar berast ört en það á eftir að jafnast.

19.3.2020 - Þorbjörg dáist að ykkur öllum, þannig að það sé á hreinu! Hún vildi koma á framfæri skilaboðum, sjá hér.

19.3.2020 - Breyting hefur orðið á viðtölum hjá Írisi skólahjúkrunarfræðingi. Viðtölin fara að nýju fram á skrifstofunni hennar á Vogabrautinni, hún lætur ykkur vita hvernig þið komist inn!

19.3.2020 - Í dag voru vaktaskipti hjá þeim starfsmönnum sem mæta til vinnu á Vogabrautinni. Rauða liðið (skólameistari, fjármálastjóri og forstöðumaður bókasafns) er nú komið í heimavinnu en græna liðið (aðstoðarskólameistari, áfangastjóri og skrifstofufulltrúi) er mætt til starfa í húsnæði FVA næstu vikuna. Á þennan hátt reynum við að fyrirbyggja að starfsmenn FVA smiti hver annan eða veikist á sama tíma

19.3.2020 - Sigga og Ólöf minna á sig, náms- og starfsgjöfin er mikilvægari en nokkru sinni í samkomubanninu. Það er hægt að senda þeim póst á This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it., hringja í síma 4332500 og panta símtal frá þeim, eða senda þeim skilaboð á Teams.

19.3.2020, fimmtudagur - Fjórði dagur, bjartur og fagur. Heiðskírt og logn á Akranesi, margt verra til en að vakna í sólskini og mæta á Teams-fund.

18.3.2020 - Meistari Steinunn vildi koma á framfæri þakklæti og hvatningu til kennara, nemenda og aðstandenda í lok þriðja dags samkomubanns. Sjá skilaboðin hér. Þið eruð hetjur!

18.3.2020, miðvikudagur - Dagur 3 í samkomubanni rúllar af stað í rólegheitunum. Létt snjókoma á Akranesi en bjart yfir. Inna og Teams höguðu sér mun betur í gær en á mánudaginn, sem betur fer!

17.3.2020 - Þeir nemendur sem náðu ekki að tæma skápa eða taka eigur sínar með sér fyrir lokun skólans geta haft samband við Leó húsvörð í síma 4332517 eða 8336450, hann bjargar málunum.

17.3.2020 - Nú geta nemendur og kennarar sem þurfa að nota Snöru fengið gestalykil til að komast í orðabækurnar og uppflettiritin sem þar eru. Kennarar munu miðla upplýsingum um þetta til nemenda eftir þörfum. Skjót og góð viðbrögð hjá Snöru nú þegar allir vinna heima og ekki lengur hægt að nota innanhússaðgang skólans.

17.3.2020 - Afkastageta Innu á að vera meiri í dag en í gær og er vel fylgst með stöðu mála þar á bæ. Endilega látið vita ef Inna er ekki til friðs.

17.3.2020, þriðjudagur - Nýr dagur, bjartur og fagur (hér á Akranesi hið minnsta). Við höldum öll áfram að fóta okkur í nýju námsumhverfi og gerum okkar besta.

16.3.2020 - Náms- og starfsráðgjafar skólans hafa staðið í ströngu í dag við að svara ýmsum fyrirspurnum nemenda sem er ekki skrýtið enda mikið af nýjum fyrirmælum og upplýsingum sem nemendum hafa borist í dag. Við tökum einn dag í einu og vinnum þetta saman. Ekki hika við að hafa samband ef eitthvað er!

16.3.2020 - Björg á bókasafninu vill koma því á framfæri að þrátt fyrir að bókasafn skólans sé nú lokað er samt veitt upplýsingaþjónustu af ýmsum toga, t.d. aðstoð við heimildaleit og upplýsingaöflun. Hægt er að hafa samband á netfang This email address is being protected from spambots. You need JavaScript enabled to view it..

16.3.2020 - Íris skólahjúkrunarfræðingur vill koma því áleiðis að viðtalstímar eru óbreyttir en viðtölin sjálf fara nú fram á heilsugæslunni en ekki í skólanum sjálfum. Sjá nánar hér. 

16.3.2020 - Skólanum hefur verið lokað og kennarar og nemendur vinna heima í dag og a.m.k. fram að páskafrí. Aðrir starfsmenn skiptast á að mæta í hús og vinna heima samkvæmt gefinni áætlun, þannig að það er ansi tómlegt í skólanum. Kennarar mega kenna í gegnum net í sínum stofum skv. stundatöflu kjósi þeir það, en koma ekki upp á kennarastofu. Allur annar aðgangur að húsnæðinu er bannaður.

16.3.2020, mánudagur - Inna hefur verið að stríða okkur í dag. Sem er afar leitt þegar reynt er að halda úti fjarkennslu með hennar hjálp. Á Innu er mikið álag en verið er að vinna í að jafna álagið svo hún geti starfað eðlilega, ekki gefast upp!

 

LEIÐBEININGAR OG GÓÐ RÁР 

Teams fundir - nemendur  
 
Góð ráð varðandi heimavinnu  

Algengar spurningar til okkar í FVA:

Hvernig fer kennsla fram í samkomubanni? Kennarar munu eftir sem áður halda sínu striki en kennslan fer fram eftir öðrum leiðum en vani er, m.a. í gegnum netið (INNU og TEAMS) og merkt er við mætingu/þátttöku í kennslustundinni. Það er í þínum höndum, ágæti nemandi, að fylgjast með öllum skilaboðum frá þínum kennurum í INNU og fréttum á vef og facebook-síðu FVA og keppast við námið eftir sem áður svo tíminn fari alls ekki til spillis.

Þarf ég að tilkynna veikindi á meðan á samkomubanni stendur? Já, veikindi og önnur forföll skal sem áður tilkynna í gegnum Innu, í síma 4332500 eða á netfangið This email address is being protected from spambots. You need JavaScript enabled to view it. samdægurs. Nemanda ber að tilkynna forföll fyrir klukkan 10:00 hvern virkan dag sem forföll vara.

Ég þarf að komast í skólann og nálgast eigur mínar, hvað geri ég? Hringdu í Leó húsvörð í síma 4332517 og hann bjargar málunum.

Ég þarf að tala við námsráðgjafa, hvað geri ég? Námsráðgjafar starfa eftir sem áður, aðallega í gegnum net og síma. Þeir sem eiga bókaðan tíma á næstu vikum geta hringt í skólann á þeim tíma, þeir sem óska eftir viðtali geta sent tölvupóst. Ef þér líður illa eða ert t.d. kvíðin/n skaltu ekki hika við að hafa samband við námsráðgjafa í síma 4332519 eða með tölvupósti á This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it., eða skólahjúkrunarfræðing í tölvupósti á This email address is being protected from spambots. You need JavaScript enabled to view it..

Eru nemendur með netfang hjá skólanum? Já, allir nemendur eru með netfang hjá 365, notendanafnið er það sama og notað er til innskráningar á tölvukerfi skólans: This email address is being protected from spambots. You need JavaScript enabled to view it.. Pósthólfið er hér: outlook.office.com. Nemendur nota flestir sitt eigið netfang og kennarar nota það netfang sem skráð er í Innu til samskipta við nemendur.

Geta aðstandendur nemenda eldri en 18 ára fengið aðgang að upplýsingum í Innu og komist á póstlista? Þegar nemendur verða 18 ára lokast á aðgang foreldra/forráðamanna þeirra að Innu og þar með fá aðstandendur ekki lengur tölvupósta frá skólanum. Nemandi yfir 18 ára getur sjálfur veitt aðstandanda aðgang að Innu, sjá leiðbeiningar hér.

Ýmsar almennar upplýsingar um COVID-19:

COVID.IS - ýmsar hagnýtar upplýsingar

Skólastarf á neyðarstigi Almannavarna - spurt og svarað

Upplýsingar um COVID-19 fyrir ungmenni

Kórónaveiran - það sem þú þarft að vita (frá Landlækni)

Lykilskilaboð og forvarnaraðgerðir vegna COVID-19 í skólum

Spurt og svarað frá Landlæknisembættinu ef nemandi eða starfsmaður þarf að fara í sóttkví:

Sp.1. - Þar sem ljóst er að náið samneyti er í fjölskyldum eiga þá fjölskyldur nema í sóttkví einnig að vera í sóttkví í þennan tilgreinda tíma?
Svar: Ef viðkomandi nemandi eða starfsmaður er ekki með einkenni en þarf að vera í sóttkví þurfa fjölskyldumeðlimir ekki að vera í sóttkví nema þeir hafi sjálfir umgengist smitaðan einstakling.
Mikilvægt er þó að huga vel að sóttvörnum á heimilinu og minnka náin samskipti eins og kostur er. Sjá leiðbeiningar fyrir einstaklinga í sóttkví.
Ef einstaklingur sem hefur verið útsettur fyrir smiti fær einkenni á meðan á sóttkví stendur er brýnt að viðkomandi hafi samband við sína heilsugæslustöð eða vaktsíma 1700 og fái ráðgjöf.

Sp.2. - Ef fjölskyldumeðlimur er kennari í öðrum framhaldsskóla eða starfar á fjölmennum vinnustað í nánu samneyti við aðra á sá hinn sami að mæta til vinnu?
Svar: Ef einhver í fjölskyldu kennara er í sóttkví, en ekki með einkenni, getur viðkomandi kennari haldið áfram sínum störfum.  Ef sá sem er í sóttkví fær einkenni fer hann í einangrun og eiga aðrir sem hafa verið á heimilinu að fara í sóttkví.

Sp.3. - Eru kvef, hósti, hálsbólga, hausverkur og slappleiki (þetta íslenska kvef) án hita og beinverkja tilefni til þess að nemi/kennari í sóttkví fari í sýnatöku fyrir COVID-19?
Svar: Já, þegar vitað er um útsetningu fyrir kórónaveirusmiti eru öll öndunarfæraeinkenni grunsamleg og kalla á sóttkví annarra á heimilinu.

Sp.4. Eiga systkini nema í sóttkví að sækja áfram sína skóla?
Svar: Á meðan sá sem er í sóttkví hefur engin einkenni er öðru heimilisfólki sem ekki hefur sjálft umgengist einstaklinga með COVID-19 sjúkdóm óhætt að sækja sinn skóla/vinnu. Mikilvægt er þó að huga að sóttvörnum, sýna varkárni og ef grunur vaknar um einkenni hjá þeim sem er í sóttkví skal leita ráðgjafar í síma 1700 eða á heilsugæslu.

Please publish modules in offcanvas position.