Í gær, þann 29. maí, voru 65 nemendur brautskráðir frá Fjölbrautaskóla Vesturlands við hátíðlega athöfn sem fram fór á sal skólans. Vegna samkomutakmarkana var nauðsynlegt að takmarka fjölda viðstaddra við 200 manns og því var brugðið á það ráð að senda út frá athöfninni í streymi.

Fyrir athöfn sáu nýstúdentar um tónlistaratriði og sungu nokkur lög við undirleik Birgis Þórissonar. Þorbjörg Ragnarsdóttir, aðstoðarskólameistari, setti athöfnina og Steinunn Inga Óttarsdóttir, skólameistari, flutti ávarp. Eyrún Sigþórsdóttir, nýstúdent, flutti ávarp fyrir hönd útskriftarnema og Líf Lárusdóttir ávarpaði útskriftarnema en 10 ár eru liðin frá því hún útskrifaðist frá Fjölbrautaskóla Akraness.

Í athöfninni ómaði tónlist, Freyja María Sigurjónsdóttir og Ragna Benedikta Steingrímsdóttir sungu Líttu sérhvert sólarlag (lag og texti: Bragi Valdimar Skúlason ), Eyrún Sigþórsdóttir söng lagið Ástarsæla (lag: Gunnar Þórðarson, texti: Þorsteinn Eggertsson) og Hrönn Eyjólfsdóttir söng Okkar nótt (lag: Guðmundur Jónsson, texti: Stefán Hilmarsson). Undirleik annaðist Birgir Þórisson.

Eftirtaldir nemendur fengu verðlaun og viðurkenningar fyrir ágætan námsárangur og störf að félags- og menningarmálum. Nöfn þeirra sem gefa verðlaun eru innan sviga:

  • Amalía Sif Jessen fyrir ágætan árangur í ensku, dönsku og sögu (FVA), fyrir ágætan árangur í félagsgreinum (Terra umhverfisþjónusta) og fyrir góð störf að félags- og menningarmálum (Minningarsjóður um Karl Kristin Kristjánsson).
  • Andrea Dís Elmarsdóttir fyrir ágætan árangur árangur í spænsku (FVA).
  • Brimrún Eir Óðinsdóttir fyrir ágætan árangur í þýsku og dönsku (Danska Sendiráðið).
  • Brynhildur Traustadóttir fyrir ágætan árangur í stærðfræði (Íslenska stærðfræðafélagið), fyrir ágætan árangur í afreksíþróttum (FVA) og fyrir góð störf að félags- og menningarmálum (Minningarsjóður um Karl Kristin Kristjánsson).
  • Erika Bjarkadóttir fyrir ágætan árangur í tungumálum (FVA).
  • Erla Signý Lúðvíksdóttir fyrir ágætan árangur í málmiðgreinum (Akraborg).
  • Erna Björk Markúsdóttir fyrir ágætan árangur í sérgreinum sjúkraliðabrautar (Apótek Vesturlands).
  • Eyrún Sigþórsdóttir fyrir ágætan árangur í þýsku og dönsku (FVA), ágætan árangur í stærðfræði (Norðurál) og fyrir góð störf að félags- og menningarmálum (Minningarsjóður um Karl Kristin Kristjánsson).
  • Freyja María Sigurjónsdóttir fyrir góð störf að félags- og menningarmálum (Minningarsjóður um Karl Kristin Kristjánsson).
  • Guðmundur Þór Hannesson fyrir ágætan árangur í tungumálum (FVA), ágætan árangur í ensku (FVA), ágætan árangur í viðskiptagreinum (Landsbankinn) og fyrir góð störf að félags- og menningarmálum (Minningarsjóður um Karl Kristin Kristjánsson).
  • Hrönn Eyjólfsdóttir fyrir ágætan árangur í þýsku og dönsku (FVA), ágætan árangur í líffræði (Soroptomistar), ágætan árangur í stærðfræði  (VS Tölvuþjónustan) og fyrir góð störf að félags- og menningarmálum (Minningarsjóður um Karl Kristin Kristjánsson). Einnig hlaut Hrönn viðurkenningu úr verðlaunasjóði Guðmundar P Bjarnasonar frá Sýruparti Akranesi fyrir ágætan árangur í raungreinum.
  • Jóhanna Ingisól Sævarsdóttir fyrir ágætan árangur í tungumálum, ensku og þýsku (FVA), fyrir ágætan árangur í sögu (FVA) og fyrir ágætan árangur í félagsgreinum (Terra umhverfisþjónusta).
  • Marín Birta Sveinbjörnsdóttir fyrir ágætan árangur í þýsku og dönsku (FVA), fyrir ágætan árangur í ensku (Penninn Eymundsson), fyrir ágætan árangur í efnafræði (Efnafræðifélagið) og fyrir ágætan árangur í íslensku (FVA)
  • Maron Snær Harðarson fyrir góð störf að félags- og menningarmálum (Minningarsjóður um Karl Kristin Kristjánsson).
  • Oddný Guðmundsdóttir fyrir góð störf að félags- og menningarmálum (Minningarsjóður um Karl Kristin Kristjánsson).
  • Ólafur Þór Pétursson fyrir ágætan árangur í málmiðgreinum (Meitill og GT tækni).
  • Regína Ösp Ásgeirsdóttir hlaut hvatningarverðlaun til áframhaldandi náms frá Zontaklúbbi Borgarfjarðar.
  • Sóley Brynjarsdóttir fyrir góð störf að félags- og menningarmálum (Minningarsjóður um Karl Kristin Kristjánsson) og fyrir almenna kurteisi, jákvæðni og að vera góð fyrirmynd (Minningarsjóður Lovísu Hrundar).
  • Thelma Rakel Ottesen fyrir góð störf að félags- og menningarmálum (Minningarsjóður um Karl Kristin Kristjánsson).     
  • Ylfa Claxton fyrir ágætan árangur í þýsku og dönsku (FVA), fyrir ágætan árangur í efnafræði (Elkem), fyrir ágætan árangur í íslensku (FVA) og fyrir góðan árangur í raungreinum (Háskólinn í Reykjavík).

Guðmundur Þór Hannesson og Jóhanna Ingisól Sævarsdóttir hlutu námsstyrk frá Akraneskaupstað fyrir góðan námsárangur.

Jóhanna Ingisól Sævarsdóttir hlaut viðurkenningu skólans fyrir bestan námsárangur á stúdentsprófi.

Í lok athafnar ávarpaði Steinunn Inga Óttarsdóttir, skólameistari, útskriftarnemendur, þakkaði þeim fyrir samfylgdina og góð kynni og óskaði þeim gæfu og velfarnaðar. Lauk athöfninni svo á því að viðstaddir risu úr sætum og sungu Nú er sumar, sem er erlent lag við ljóð Steingríms Thorsteinssonar.

Fleiri myndir er að finna á Facebook-síðu FVA.

 56A1172

 56A1158

Eyrún Sigþórsdóttir syngur fyrir viðstadda

 56A1181

Frá vinstri: Steinunn Inga Óttarsdóttir, skólameistari, Jóhanna Ingisól Sævarsdóttir, dúx FVA
og Þorbjörg Ragnarsdóttir, aðst.skólameistari

 56A1167

Bára Daðadóttir, form. skóla- og frístundaráðs Akraneskaupstaðar,
Jóhanna Ingisól Sævarsdóttir og Guðmundur Þór Hannesson

 

 

Please publish modules in offcanvas position.