Samtök rafverktaka (SART) og Rafiðnaðarsamband Íslands (RSÍ) hafa frá haustinu 2016 fært nemendum í rafiðnaði spjaldtölvur í gjöf. Í dag komu fulltrúar SART, RSÍ og Rafmenntar, fræðsluseturs rafiðnaðarins, færandi hendi til okkar í FVA og afhentu þeim nemendum sem hófu nám í grunndeild FVA í haust spjaldtölvur sem munu nýtast vel í námi og starfi. Samtök rafiðnaðarmanna hafa um langt skeið unnið að gerð rafræns námsefnis á www.rafbok.is sem nemendur geta notað gjaldfrjálst í gegnum allt námið og með þessari höfðinglegu gjöf er aðgengi rafiðnnema að þessu námsefni tryggt. Um 60 nemendur stunda nám í rafiðngreinum við FVA og verður að teljast afar verðmætt fyrir þau að hafa greiðan aðgang að gjaldfrjálsu námsefni á þennan hátt. 

20191024 141541 spjaldtolvur

20191024 141552 spjaldtolvur

Please publish modules in offcanvas position.