Í ritun verður notað forritið Ritbjörg, eftir Guðlaugu Guðmundsdóttur og Hildigunni Halldórsdóttur. Forritið er að finna í tölvum skólans.  Einu sinni í viku verður ritunarkennsla  í tölvustofu.  Auk tölvustuddrar ritunarkennslu handskrifa nemendur dagbók og skila einu sinni í viku (í fyrstu kennslustund vikunnar).

Kynning á Ritbjörgu (glærusýning eftir Sverri Pál Erlendsson) er á http://www.ma.is/kenn/svp/kennsluefni/ritbjorg_files/frame.htm

Nemendur skulu halda ritunarverkefnum sínum til haga í sérstakri plastmöppu.  Slík mappa er skilyrði fyrir því að kennari gefi einkunn fyrir ritun (sem gildir 10% af lokaeinkunn).

Einn þáttur ritunarverkefna í hópi Hörpu er að nemendur skiptast á að sinna starfi fréttaritara og skrifa fréttir af skólalífinu.  Þær fréttir birtast á UT-skólavef Morgunblaðsins (http://www.mbl.is/utskolar/) undir nafni fréttaritara hverju sinni.  Tveir nemendur bera ábyrgð á að skrifa 3 fréttir í viku sem skilað er fyrir hádegi á föstudegi.  Hverjir tveir nemendur gera þetta einu sinni á önninni og er ekki gefinn neinn frestur á skilum. Þessi vinna hefst í 2. viku.
 

• Hollráð um hegðun í tölvustofu
• Fyrsta verkefni í Ritbjörgu á vorönn 2002 (Atvinnuumsókn)
• Annað verkefni í Ritbjörgu á vorönn 2002 (Vinarbréf)
• Þriðja verkefni í Ritbjörgu á vorönn 2002 (Frétt)
• Fjórða verkefni í Ritbjörgu á vorönn 2002 (Umsögn um kvikmynd eða íþróttaviðburð)
• Notkun Púkans í Word

Nánari upplýsingar um ýmislegt sem lítur að ritun má sjá á http://www.fva.is/harpa/ritun.htm (Ath. að sumt á þessum síðum er úrelt, þ.á.m. ýmislegt í verkefnum í Ritbjörgu.  Nýtt efni verður sett inn jafnóðum á vorönn 2002).