2. Athugið að stilla í hve hárri upplausn á að skanna. Sé meiningin að prenta út myndina (og komast sem næst ljósmyndagæðum) borgar sig að hafa upplausnina háa. Algengt er að bleksprautuprentarar geti prentað í allt að 600 dpi (punktar á tommu) en 300 dpi er venjulegasta stilling. Því hærri upplausn - því skýrari mynd. Ef maður skannar hins vegar mynd til að nota á vefsíðu er 72 dpi alveg nóg.
3. Það borgar sig að skanna í þeirri
stærð sem maður ætlar að hafa myndina
(sjá sentimetramál á skannavalmynd) - a.m.k. alls
ekki minni en maður ætlar að hafa hana.
Sé myndin samt sem áður ekki í réttri stærð
má nota Paint Shop Pro til að minnka hana (Image - Resize):
 |
Athugið að í þessari valmynd er líka hægt að stilla raunverulega stærð myndar, þ.e. stærð í útprentun. (Actual/ Print Size). Ef ég eyk upplausnina þá minnkar myndin að sama skapi (í rauninni "þjappast" litapunktarnir meira því hærri sem upplausnin er). Almennt er miklu betra að stilla stærð og upplausn í skönnuninni sjálfri heldur en eftir á. |
4. Þegar búið er að skanna myndina
og stærðin er í lagi er oft gott að "teygja aðeins
á litunum" (ekki spurja mig hvað þetta þýðir
- en það virkar!). Það er gert þannig:
 |
Farið er í Colors - Adjust - Gamma Correction. Þá kemur þessi valmynd upp. Oftast er fínt að stilla á svona 1.20 leiðréttingu, sem lýsir myndina eilítið og lagar litina. Annars prófar maður sig bara áfram! Svo er að sjálfsögðu ýtt á OK til að staðfesta valið. |
5. Fleiri valmyndir bjóðast innan Colors - Adjust, t.d. að lýsa eða dekkja o.s.fr., en best er að hver og einn prófi sig áfram með þær á eigin vegum ;-)
6. Verkfærin sem þið hafið þegar
lært að nota geta komið sér vel, t.d. pensillinn til
að eyða rauðum augum (lita einfaldlega ofan í þetta
rauða ...) en nú verða kynnt tvö ný verkfæri
sem einnig er gott að nota:
klónpenslillinn
og 
kámverkfærið
(smudge).
Bæði þessi verkfæri eru stillt með mikilvæga
takkanum
.
Dæmi: (Athugið að á vefsíðunni
minni - Heimasíða Hörpu - Upplýsingatækni
- 5. kennslustund - er hægt að
ýta á litlu myndirnar og sjá myndirnar í
þeirri stærð sem ég vinn í, í Paint
Shop Pro.)
Máni |
Kalli |
Mánikalli? |
Þarna stillti ég klónpensilinn (með mikilvæga takkanum) á 73 pixela breidd, hringlaga (round) og hafði gagnsæi (Opacity) stillt á 67 en þéttleika/þakningu? (Density) stillt á 100. Svo hafði ég myndina af Mána og myndina af Kalla hlið við hlið og klónaði hluta af Kalla yfir á Mána.
Flestir hafa gaman að svona fíflagangi en það er líka hægt að nota klónpensilinn til annarra og "alvarlegri" nota. Setjum svo að ég vilji almennilega mynd af unglingnum Mána, án unglingabóla! Þá get ég klónað bólulausa hluta af andlitinu og afritað yfir bólurnar. Svona:
Þarna stillti ég klónpenslilinn á 13 pixela stærð, því ég var að vinna með frekar smáa hluta af andliti Mána.
Kámpenslillinn
Enn er Máni með leiðinlegan fitugljáa á
enni og höku, og fílapensla, ef grannt er skoðað.
Því "káma" ég enni Mána svolítið,
eða dreifi úr gláalausa hlutanum, með kámpenslinum
sem ég stilli á Smudge. Ég prófa mig
áfram, fyrst með lítilli stillingu og svo með hærri
stillingu; Minnka gljáa, eyði fílapenslum og litlum fæðingarblettum.
Þetta er í rauninni ekki ósvipað því
að setja á sig meik! Árangurinn:
Sjá má Mána fyrir og eftir
snyrtingu á vefsíðu.
Þannig er hægt að snyrta ljósmyndir til eftir
á. Dröfn hefur t.d. reynslu af því að
framlengja parket á mynd, með klónpenslinum!
Gangi ykkur vel!