Hér er kennt:
Að vísa rétt milli skráasafna
Að ákvarða útlit á síðu með því að nota ósýnilega töflu
 

1.  Að nota mörg skráasöfn og vísa rétt á milli þeirra.

Ef ætlunin er að smíða heilan vef, með mörgum síðum og mörgum myndum, er nauðsynlegt að flokka efnið.  Annars lendir allt í óreiðu og ákaflega erfitt verður að hafa yfirsýn yfir vefinn, sem gerir allar breytingar og uppfærslur erfiðar.  Það þarf ekki svo margar skrár til svo betra sé að flokka þær. Setjum sem svo að þú ætlir að gera heimasíðu um þig.  Þú ætlar að hafa eina mynd af þér (sem heitir eg.gif), eina mynd af kisunni þinni (sem heitir kisa.gif), eina mynd af mömmu og pabba (hjon.jpg) og eina mynd í sambandi við FVA (kennari.gif).  Svo ætlarðu að hafa bakgrunn á síðunni þinni (bakgr.jpg), þrjár smámyndir/kúlur í mismunandi litum (rkula.gif, blkula.gif, grkula.gif), eina skrautstiku (stika.jpg).  Síðurnar eru heimasíða (heimsid.htm), síða um fjölskylduna og gæludýrið (fjolsk.htm) og síða um skólann þinn (fva.htm).  Þetta er sem sagt mjög einföld heimasíða, með tveimur undirsíðum, en samt eru komnar 12 skrár!

Kíktu á síðuna:  heimsid.htm

Um leið og bætast við fleiri síður með meira skrauti, öðrum bakgrunni, fleiri myndir o.s.fr. fjölgar skránum upp úr öllu valdi.  Þess vegna flokkar þessi skynsami nemandi sem á síðuna skrárnar þannig:

Þannig lítur skráasafnið nemandans út.

Innan skráasafnsins hefur hann búið til tvö undirskráasöfn.  Annað heitir takkar og hitt heitir myndir.  Ef við kíkjum inn í þau söfn sést:
 
 

Þetta er skráasafnið takkar.  Inni í því er marglita stikan og litlu kúlurnar þrjár.

 

Þetta er skráasafnið myndir.  Inni í því er eg.gif (mynd af höfundi síðunnar), hjon.jpg (mynd af pabba og mömmu) og mynd af kisu (kisa.gif). Loks er mynd af uppáhaldskennaranum (kennari.gif)

Það er nauðsynlegt að átta sig á því hvernig skrám er raðað í skráasöfn til þess að geta leiðrétt villur, sem vefgerðarforrit gera oft.   Nú er vinur okkar búinn að koma síðunni sinni fyrir á innraneti FVA.  Hann ætlar að skoða hana uppi í skóla en þá kemur í ljós að bakgrunnurinn sést alls ekki.  Af hverju?  Nú, vinurinn fer í View takkann efst á tækjastiku og velur Page Source.  Þá sést html-kóðinn, þ.e. hvernig síðan er skrifuð í htm-málinu.  Hann athugar hvernig bakgrunnsskipunin er skrifuð og sér að hún er  svona:

Ekki skrítið að þetta sjáist ekki uppi í skóla, úr því vísað er í F-drif, skráasafnið fva, undirsafnið finnbogi, undirsafnið jar-vefsid, undirsafnið daemi og þar í réttu skrána, bakgr.jpg.  Öll þessi skráasöfn eru bara til á tölvu vinar vors, heima hjá honum.  Tölvan uppi í skóla getur alls ekki nálgast þau og finnur þess vegna engan bakgrunn.

Hvernig á þá að leiðrétta?   Maður opnar eitthvert ómerkilegt forrit sem getur lesið textaskrá, t.d. NotePad eða WordPad, sem fylgir alltaf Windows.  Í stofu TV á að vera hægt að opna það úr Netscape Composer () með því að fara í Edit, á tækjastiku efst og velja HTML Source.  Gangi það ekki er bara að finna NotePad eða WordPad úr Start-valmyndinni (venjulega undir Programs/Accessories).  Svo opnar maður vefsíðuna í þessu ómerkilega forriti og strokar einfaldlega út allt sem er ofaukið í kóðanum;  Vistar og skoðar aftur í vefsjánni.

Rétt á bakgrunnsskipun vinar okkar að líta þannig út: 

Rétt skipun eða slóð í myndina af pabba og mömmu á að vera svona:  myndir/hjon.jpg
sem þýðir:  Fara inn í skr.safnið myndir og finna þar skrána hjon.jpg

Setjum sem svo að inni í myndir væri .htm skrá og af henni ætti að vísa í heimsid.htm.  Þá ætti skipunin að vera svona: ../heimsid.htm
sem þýðir:  Bakka út úr skráasafninu myndir og finna skrána heimsid.htm

Þetta er mjög mikilvægt:  Að vita að tveir punktar og skástrik (../) þýðir bakka út úr skráasafni.
Ef þú ætlar að stunda vefsíðugerð eitthvað að ráði verðurðu að átta þig á þessu.  Í flóknum vef, með mörgum undirsskráasöfnum, verður óhjákvæmilega mikið um flakk milli skráasafna.  Hér er ímyndað dæmi um krækju úr síðunni flipp.htm, sem er inni í safninu privat, en krækt er í myndina gaga.gif, sem er inni í safninu flippmyndir, sem er inni í safninu myndir (söfnin litu svona út í Windows Explorer: 

Krækjan yrði svona:  ../myndir/flippmyndir/gaga.gif

Sem útleggst:  Út úr privat (þá er maður í aðalsafninu heimasida) inn í myndir, inn í flippmyndir og finna þar skrána gaga.gif.

En þetta er nú aðallega fyrir þá sem ætla að vefa eitthvað að ráði ;-)
 

2.  Að stjórna útliti á síðu með ósýnilegum töflum.
 

Til þess að geta raðað texta og myndum á síðu er oft nauðsynlegt að setja þetta inn í töflu.  Töfluna má svo gera ósýnilega ef maður vill.  Til að setja inn töflu er ýtt á takkann Table á tækjastiku efst 
Þá kemur upp þetta valblað:
 

Reyndar hef ég sett myndina og þessar útskýringar upp í töflu, til þess að geta látið textann birtast við hlið myndarinnar.  Number of rows þýðir hve margar raðir eiga að vera í töflunni en Number of columns er hve margir dálkar eiga að vera.  Table Alignment er hvar taflan á að lenda á skjánum.  Hér er merkt við Left sem þýðir að miða eigi töfluna við skjáinn vinstra megin.  Border line er hér stillt á 1 pixel.  Ef þú vilt ósýnilega töflu stillirðu Border line á 0.  Cell spacing og Cell padding eiga við bilið sem er milli reita í töflunni annars vegar og hins vegar bilið innan reits, þ.e. hve mikið autt bil á að vera kringum textann/myndina sem er í reitnum.  Ágæt regla er að láta Table width vera 80% af skjáglugga notanda.  Við gerð þessarar töflu (sem þessi texti er í) var hakið á undan Equal column width tekið af, enda eru þessir dálkar ekki jafnbreiðir.  Loks er hægt að hafa bakgrunnslit eða bakgrunn töflu öðru vísi en síðunnar að öðru leyti, með því að haka við Use Color eða Use Image. Þegar sagt er OK birtist pínulítil tafla á skjánum.  Skrifaðu inn í hana og þá stækkar hún.  Til að hoppa milli reita í töflunni notar maður örvalyklana til hægri á lyklaborðinu.  Ef þú vilt breyta töflunni þinni eftir á ferðu í Format, á tækjastiku efst, og velur Table Properties.

Góða skemmtun í töflugerð!