StarOffice fylgir heilmikið myndasafn, sem hægt er að nota í gerð glærusýninga, gerð vefsíðna eða setja inn í ritvinnsluskjal.  Myndasafnið er á C:\Office51\Gallery

Til þess að setja inn mynd á glæru byrjar maður á hefðbundinn hátt, þ.e. velur File-New-Presentation-Empty Presentation.  Síðan er að velja einhvern heppilegan bakgrunn (Layout) og skipan texta á glæru (Modify Slide).
Þá er glæran komin.

Til þess að setja inn mynd er farið á tækjastiku efst og valið Insert - Picture - From File. Þá kemur upp eitthvert skráasafn á valblaði og þú rekur þig áfram með  takkanum uns þú kemst í C:\Office51\Gallery.  Þá lítur valblaðið svona út:

Gættu þess að hafa hakað við Preview, eins og hér er gert, því þá sérðu hvaða mynd er um að ræða í glugganum til hægri.

Smá skýring á undirskráasöfnum:  bullets eru allskyns litlar kúlur, örvar o.þ.h. sem notaðar eru á vefsíðum;  clipart er safn smámynda sem nota má í texta og glærur;  flags eru fánar ýmissa þjóða;  htmlexpo eru myndir sem henta best á vefsíður;  maps eru kort;  photos eru ljósmyndir;  rulers eru mjóar stikur sem algengar eru á vefsíðum;  sound er safn hljóða;  surface er bakgrunnasafn fyrir t.d. glærur; symbols eru allskyns tákn;  www-anim eru hreyfimyndir á vefsíður;  www-back er bakgrunnasafn fyrir vefsíður og www-graf eru örvar og smátakkar fyrir vefsíðu.

Athugaðu að myndir sem eiga að fara á vefsíður verða að vera .gif eða .jpg myndir.  Margar  myndirnar í undirskráasöfnunum eru hins vegar .wmf (Windows metafile) sem gengur alls ekki á vefsíðu en er ágætt á glærur eða textaskjöl.  Í rauninni þarftu ekkert að pæla í þessu ef þú ert bara að hugsa um glærur.

Opnaðu nú skrásafnið photos og veldu railroad (sem er mynd af járnbrautarteinum, á jpg-formi).  Myndin fer nú á glæruna þína, en er sennilega alltof stór.  Taktu í hornin á henni og lagaðu stærðina.

Þú getur ráðið því hvernig myndin birtist í glærusýningu;  Veldu myndina (þ.e. ýttu á hana með músarbendli svo grænir ferningar séu í hornum myndarinnar);  Ýttu niður hægri takka á músinni:  Þá birtist valblaðið sem sýnt er hér til vinstri:
 
 

Hér gætirðu t.d. valið Effects.  Þá kemur upp svona valblað: Hér hef ég valið Fade from Center og valið síðan Fast, því ég vil að þetta gerist hratt.   Svo ýti ég á græna hakið efst til að staðfesta þetta val.

Nú er best að athuga hvernig glæran lítur út, með því að ýta á glærusýningartakkann, á tækjastiku lengst til hægri, þ.e. þennan .  Þú þarft að ýta með músarbendlinum einu sinni á glæruna til að myndin birtist, ef þú hefur valið Effects.  Vistaðu glæruna til að nota hana í næsta hluta.