Fullu nafni hét fundurinn Validation and Dissemination for European R&D Projects - EUN Workshop (!)

Hér fara á eftir þeir punktar sem ég hripaði hjá mér.  Ég kræki í textann úr viðkomandi lið í dagskránni.

Dagskráin var þannig:

10.30  Opening of Workshop; Ulf W Lundin, Director, EUN Office

10.45  IST Programme; Wim Jansen, DG INFOSO, European Commission

11.15 Why ValNet was conceived; Rogelio Segovia, former Director, EUN Office

11.30 THINK and NOW - outline of two European Studies

12.00 ValNet validation methodology - first presentation; MENON & PLS

13.00 Lunch

14.00 Parallel workshops

• Validation methodology (Jóna)
• ENIS - how to make it work (Harpa)
• Analysis and dissemingation of results (Arnór)

15.30 Coffee

16.00 Summary presentation of School of Tomorrow projects;  Carlos Oliveira, DG INFOSO, European Commission

16.30 Validation School of Tomorrow projects - how can EUN contribute; Roger Blamire, Innovation Managaer, EUN Office

17.00 Setting-up of ValNet -procedures and challenges; Ulf W Lundin, Director, EUN Office

17.30 End of Workshop
 
 

Wim Jansen:  IST verkefnið

Því miður tók ég ekki almennilega eftir fyrir hvað IST stendur en áhugasömum er bent á vefslóðina http://www.cordis.lu/ist/

Jansen sagði að ValNet heyrði undir þá grein IST sem nefnis Accompanying Measures.  ValNet hefur verið rætt ítarlega frá því í vor en ekki hefur verið skrifað undir samning um ValNet ennþá.

Rogelio Segovia:  Af hverju spratt hugmyndin um ValNet?

ValNet felst í því að leiða saman lykilaðila í skólarþróun og frumkvæði innan skólanna (Key actors in the School Innovation sector) til að hraða framþróun.

Mjög sjaldan er unnið úr verkefnum sem  hafa verið styrkt af Evrópusambandinu, þ.e. sjaldan eru dregnar af þeim ályktanir eða þau metin.  Úr þessu á ValNet að bæta.

Segovia studdi mál sitt með tveimur skýringarmyndum, annars vegar svokölluðum „Process cycle“, hins vegar „Product cycle“.  Eftirlíking af þeirri fyrrnefndu fylgir hér til hliðar en sú síðarnefnda átti að sýna hvernig alls kyns efni verður til og aðild markaðarins (hins frjálsa markaðar) að því ferli; Sú aðild er alltof lítil, að mati Segovia.

ValNet verkefnið á einmitt að stuðla að því að nýjar niðurstöður verði til sem leiði síðan til nýrrar þekkingar. Fram kom í máli Segovia að aðferðafræði við mat stendur á brauðfótum.  Einnig minntist hann á að einhvers konar umbun (gulrót) yrði að vera handa ENIS skólum sem tækju þátt í ValNet verkefninu.
 
 
 

Segovia útskýrði hvernig ValNet á að virka þannig:

 
 

Dr. Caroline Windrum: THINK STUDY

Þessi rannsókn er að hefjast núna og felst í að athuga hvaða áhrif UT hefur á marga þætti sem snerta skólastarf, beint og óbeint.  Leitast verður við að afla upplýsinga og kortleggja stöðuna núna.  Viðfang rannsóknarinnar sést  á skýringarmyndinni hér að neðan:

 
 

Tímaáætlun THINK STUDY

september 2000	Gengið frá spurningalistum til að nota í viðtölum
október - desember 2000	Viðtöl við valda aðila í hverju ráðuneyti
mars 2000	Uppkast að niðurstöðum athugana;  Unnið verður með þessa kortlagningu THINK STUDY á sameiginlegum vettvangi (workshops), tekið við athugasemdum og endurunnið
apríl 2000	Niðurstöðum kortlagningar THINK STUDY á núverandi ástandi skilað inn.

THINK STUDY ætti einnig að koma ValNet verkefninu á framfæri og kynna þróun þess verkefnis.
 
 

Peter Scrimshaw: Contributing to ValNet: the role of the NOW Study

NOW er önnur tveggja rannsókna sem WP01 (sem ég hef ekki hugmynd um hvað er) undirbýr nú.  NOW er mikilvæg sem fyrsta skref  að ValNet verkefninu í heild.

Þessar tvær rannsóknir ( hin er THINK STUDY) miða að því að:

• glöggva sig á  núverandi starfi  í UT-skólum sem eru í fararbroddi
• kortleggja þá framtíðarsýn í menntun sem UT gerir mögulega
• skoða framfarir í tækni og hvernig þær gætu haft áhrif á almenna menntun

NOW rannsóknin beinist einkum að sjö svæðum (eða menntasamfélögum) og tekur til ákveðinna borga, svæða og dreifðra byggða.  Fimm þessara svæða hafa þegar verið valin, en þau eru: Amsterdam (umsjónarmaður er Henk Slighte); Barcelona (umsjónarmaður er Ferran Ruiz Tarrago); Marseille (umsjónarmaður er Gérard Puimatto); Norður Írland (umsjónarmaður er John Anderson) og Beacon skólarnir á Bretlandi (umsjónarmaður er Dominic Flitcroft).

Í desember eiga umsjónarmenn að skila skýrslu þar sem koma á fram:

• þau lykilatriði sem snerta stefnu í upplýsingatækni ásamt því hvernig þessi stefna varð til og hvað hefur verið gert til að hrinda henni í framkvæmd í menntun, skólastarfi og samfélaginu
• lýsa árangri og reynslu af upplýsingatæknistefnunni til þessa
• útskýra hvernig greint og metið var það sem vel þótti gert
• tiltaka 2 - 3 þarfir sem komu í ljós og jafnframt hvernig komið var til móts við þessar þarfir og þær uppfylltar
• taka saman niðurstöður og kynna fyrir öðrum svo af þeim megi læra og vinna áframhaldandi sóknaráætlun

Auk þeirra sjö svæða sem rannsóknin tekur til á að skoða efni sem þegar er til um upplýsingatækni á öðrum svæðum um alla Evrópu (reyndar er talað um „across the European continent“).  Þetta efni verður að fjalla um einhvers konar frumkvæði eða nýjung sem:

• heil borg eða landshluti hefur skipulagt og leitt
• felst í sóknaráætlun sem væri almennt hægt að nota í aukningu upplýsingatækni í skólum
• þegar er vel á veg komið eða búið að koma á laggirnar
• um eru til skýrslur og rannsóknir (eða mat)

Ef einhver veit um frumkvæði eða nýjungar sem uppfylla þessi skilyrði er viðkomandi beðin(n) að hafa samband við Peter Scrimshaw.

Peter Scrimshaw
Learning Schools Programme
The Open University
12 Cofferidge Close, Stony Stratford
Milton Keynes, MK11 1BD
Sími: 01908 569 313 (í vinnu), 01908 565 077 (heimasími)
Fax: 01908 569 830
Netfang: p.c.scrimshaw@open.ac.uk (í vinnu)
peterscrimshaw@rmplc.co.uk (heima)
 
 

ValNet validation methodology - first presentation

MENON;  Því miður náði ég ekki niður nafni fyrirlesara.  Glærunotkun þannig að hann stóð gjarna fyrir glærunum og talaði auk þess heldur lágt og óskýrt - þ.a.l. kann eitthvað að hafa farið fram hjá mér sem þessi ágæti maður fjallaði um.

MENON einbeitir sér að fyrstu skrefum ValNets verkefnisins. þ.e. reynir að þróa aðferðafræði við mat o.fl.

Hverjir hafa áhuga á mati?

• Verkefni í „Skólum framtíðarinnar“ (Schools of Tomorrow)
• Evrópusambandið
• Skólar
• Rannsóknarnefndir/hópar
• Iðnaðurinn

Hvað á að meta?

• Uppeldis-og kennslufræðilega þætti (kennslu, nám, markmið menntunar)
• Stofnanir (skóla, skólakerfi einstakra þjóða)
• Efnahagslíf/hagfræðilega þætti (hve öflugt og stöðugt þetta er)
• Tæknilega þætti (hve árangursríkir þeir eru, hvernig gengur að flétta þá inn í skólastarf, hve notendavænir þeir eru)
• Þætti sem snerta menningu og tungumál („samþjóðleg gildi“ (Transnational value added), þjóðtungur)

Hver eru næstu skrefin?

• Komast að því hvað þeir sem hlut eiga að máli („stakeholders“) vilja vita
• Skilgreina að hverju matið á að beinast (areas and obejcts)
• Gera sér grein fyrir hversu víðtæk greiningin [sem liggur til grundvallar matinu] er
• Gera sér grein fyrir á hvaða gildum/þáttum (criteria) matið byggist
• Hanna tæki til að meta

PLS; Carsten Larsen: The Main Objects of Validation

Larsen sagði frá því að Danir væru að búa til módel til að meta skólastarf í víðu samhengi.  Fyrstu drög að þessu módeli eiga að vera tilbúin eftir fjóra mánuði.  Larsen vitnaði líka í danskt gæðastjórnunarkerfi sem er þegar til og taldi hann það mjög gott.  Myndin hér að neðan á að sýna þetta kerfi í hnotskurn:

PLS og MENON ætla saman að þróa verkfæri og aðferðir sem nýtast við mat (A toolbox of Validation Options and Methods).
 
 

Samráðsfundur; ENIS - how to make it work

Isabel Oliveira, frá Portúgal, er formaður ENIS og stjórnaði fundinum.  Verður að segjast eins og er að ég hef oft verið á skilvirkari og betur stjórnuðum fundum en þessum.  Ég reyni hér á eftir að draga saman hið helsta sem fram kom á fundinum:

ValNet var að sjálfsögðu aðalmálið. ValNet verkefnið snýst um mat (validation) en ekki er ljóst á þessari stundu hvað á að meta eða hvernig.  (Sjá pælingar þar um í erindum sem flutt voru fyrir hádegi).  ENIS-skólarnir eiga að vera einhvers konar „fóður“ í ValNet verkefninu.  Til þess að svo megi verða þarf að fjölga ENIS skólum alveg gífurlega;  Þeir eru nú um 400 talsins en eiga að verða 2000!  Ég spurði hvort þetta þýddi þá að allir skólar á Íslandi ættu að verða ENIS skólar eða hvort miða ætti við hlutfall af fjölda skóla í einstökum löndum.  Isabel svaraði því til að ágætt væri að miða við að ekki yrðu fleiri en þriðjungur af  bestu íslensku skólunum  ENIS skólar.  (Vel að merkja á eftir að ákveða hvaða skilyrði skólar þurfa að uppfylla til að teljast í hópi bestu skóla.)

Þá barst umræðan að því hver væru skilyrði fyrir því að skóli fengi að gerast ENIS skóli.  Allir voru sammála um að þau skilyrði þyrfti að skilgreina betur en engin einhlít niðurstaða fékkst. Slóvenski fulltrúinn, Borut, gekk hart fram í að fá svör en án árangurs.  Samt kom fram að ENIS tengill í hverju landi á að benda á stofnanir sem geta valið ENIS-skóla í því landi.  Slíkar stofnanir eru  t.d. menntamálaráðuneyti.

ValNet miðar að því að greina stöðu mála (upplýsingatækni) í dag og bæta skólastarf í ljósi þeirrar greiningar.  Hvernig er hægt að fá ENIS skóla til að taka þátt í ValNet? Engin ákveðin svör fengust við þeirri spurningu en bent var á að einstök lönd gætu gert ENIS-skólum í viðkomandi landi kleift að funda saman og greitt kostnað við slíkt.

Spurningar vöknuðu um það að hvaða aðilum ENIS-starfið ætti einkum að beinast. Frank, Dani sem vinnur á fræðsluskrifstofunni í Árósum og einnig eitthvað fyrir PSL (í einkageiranum),  taldi að ENIS ætti fyrst og fremst að snúast um breytingu á skipulagi í skólum (organizational changes).  Því ætti fyrst og fremst að höfða til skólastjórnenda.  Ég mótmælti þessu og taldi að kennarar yrðu að styðja breytingar á skipulagi skóla ættu þær fram að ganga;  því ætti ENIS einkum að höfða til kennara.  Um þetta vorum við einfaldlega ósammála.

Ég spurði um laun fyrir ENIS tengla.  Isabel svaraði því skýrt og skorinort að slíkt væri á ábyrgð einstakra landa. Í umræðu sem spannst í kjölfarið á þessu kom í ljós að mjög mismunandi er hvernig launum er háttað í einstökum löndum.  Í Slóveníu fær ENIS-tengillinn 4 kennslustunda kennsluafslátt á viku fyrir að sinna þessu starfi.  Í Belgíu eru borguð laun fyrir starfið. Fleiri dæmi man ég ekki.  Á Íslandi á alveg eftir að ganga frá þessu máli.

Í ósamþykktum samningi um ENIS er kveðið á um:

• Fjárveitingu upp á 10.000 evrur fyrir ENIS tengil hvers lands (en þetta fé á að nota til að greiða ferðakostnað og uppihald á fundum - ekki sem laun)
• 2 ENIS vinnufundir (workshops) verði haldnir á ári í hverju landi
• 3 alþjóðlegir fundir fyrir ENIS-tengla verði á ári

Vonast er til að þessi EUN samþykki þennan samning og tæki hann þá gildi í janúar 2000.

Í lok fundarins viðraði Isabel áhyggjur sínar af því að ValNet verkefnið gæti gleypt eða yfirskyggt ENIS verkefnið.  Gæta þarf þess að svo verði ekki og ValNet styðji við ENIS en taki ekki alla athyglina frá því síðarnefnda.

Punktar um fleiri atriði af þessum vinnufundi, einkum seinnipart dags, eru væntanlegir.