Fréttabréf Evrópska skólanetsins, nr. 59
11. febrúar  2002

 
 
Fréttabréfið í heild, á ensku.
Harpa Hreinsdóttir
Í leiðara talar Brigitte Parry um betri tíð með blóm í haga ... og nefnir einnig að nú hafi rúmlega 70 manns skráð sig á vinnusvæðið ICT Rebels, eða uppreisnarmanna í upplýsingatækni.  Bestur árangur næst með því að bera virðingu fyrir sköpun, rannsóknum, tækni og jarðbundnu fólki og vænlegast er að reyna að rata hinn gullna meðalveg milli þessara ólíku þátta.
Netfang Brigitte er  brigitte.parry@eun.org
___________________

UPPREISNARMENN

Allir þeir sem hafa áhuga og jafnvel áhyggjur af þróun internetsins í skólastarfi eru hvattir til að taka þátt í umræðum á vinnusvæði uppreisnarmanna (Rebels Community).  Þetta á einkum við þá sem ekki líst á blikuna þegar flestar ákvarðanir um þetta eru teknar af fólki sem ekki hefur neina reynslu sjálft af notkun upplýsingatækni í skólum.  Hægt er að skrá sig á
http://www.eun.org/eun.org2/eun/community/entry_community.cfm?area=210

___________________

ESKÓLANET

eXplora

Menn eru hvattir til að taka þátt í eXplora, sjá http://explora.eun.org.  Þátttaka er þannig að 3-6 manna lið nemenda býr til margmiðlunarefni (á vef eða annars konar) um eitthvert hugðarefni sitt, sem tengist námskrá eða ekki.  Kostur gefst á að vinna með eXplora-liðum í öðrum löndum.  Vegleg verðlaun eru í boði fyrir glæsilegustu verkefnin.

Nánari upplýsingar gefur  Angela Andersson, angela.andersson@eun.org
_________________________________________________

Tæknihornið

Kerfisstjórum og öðrum sem hafa áhuga á tækni gefst kostur á að skrá sig á sérstakt vinnuvæði þar sem þeir geta tekið þátt í umræðu og sótt stutt námskeið um lýsigögn, leitarvélar og myndbönd.  Svæðið er á
http://www.eun.org/eun.org2/eun/en/Collaboration_eschoolnet/sub_area.cfm?sa=1250

Nánari upplýsingar gefur Thomas Maier, thomas.maier@eun.org
_________________________________________________

eSchola

Markmið eSchola er að vekja athygli á því sem vel er gert í notkun upplýsingatækni í evrópsku skólastarfi.  Þessi kostur gefst stjórnendum, kennurum, nemendum, skólaskrifstofum og öðrum sem starfa að skólamálum.  Sjá
http://eschola.eun.org  (íslensk upplýsingasíða er á http://www.fva.is/harpa/eschola/index.html).
_________________________________________________

INNAN SKÓLA

Ákveðnir evrópskir skólar hafa verið beðnir um að skaffa upplýsingar um hvernig tölvur eru notaðar í hverjum skóla, hvar þær eru í skólunum, hve margir kennarar og nemendur nota tölvurnar o.s.fr.
Niðurstöður þessarar upplýsingaleitar má sjá á
http://www.eun.org/eun.org2/eun/en/practices_/content.cfm?ov=11200&lang=en

Þar má opna .pdf skjöl sem skólarnir sendu.
__________________

VAKIN ATHYGLI Á
__________________

Réttindi kvenna

Bent er á heilmikið efni um þetta sem finna má á síðu um mannréttindi (Human Rights Watch web site).  Upplýsingarnar eru á ensku, frönsku, portúgölsku, spænsku, rússnesku, arabísku og kínversku.
Sjá  http://www.hrw.org/women/
_________________________________________________

Europe Direct er þjónusta sem veitir allskonar upplýsingar um Evrópusambandið í tölvupósti, í síma og bendir á staði þar sem hægt er að fá frekari upplýsingar. Símtöl eru ókeypis, sjá
http://www.eun.org/eun.org2/eun/en/myeurope/content.cfm?lang=en&ov=11542

Vilji menn fremur spyrja í tölvupósti er netfangið mail@europe-direct.cec.eu.int
_________________________________________________

Evrópsku tungumálaverðlaunin

Evrópsku tungumálaverðlaunin eru veitt fyrir nýbreytni og elju í tungumálakennslu.  Lista yfir skrifstofur í einstökum löndum þar sem fá má frekari upplýsingar um þessi verðlaun er að finna á
http://www.europa.eu.int/comm/education/language/contact.html

_________________________________________________

Sérkennsla

Nú hefur verið komið á laggirnar gagnabanka yfir ýmislegt sem snertir sérkennslu í Evrópu.
Sjá  www.european-agency.org

Sérkennurum er líka bent á hóp sérkennara í Sýndarskólanum (The Virtual School), sjá
http://www.eun.org/eun.org2/eun/sv/vs-specialneeds/sub_area.cfm?sa=266

og í sérfræðihópi ESkólanetsins, á
http://www.eun.org/eun.org2/eun/en/Collaboration_eschoolnet/content.cfm?ov=10425&lang=en

_________________________________________________

Evrur um Evrópu

Hollenskur stærðfræðingur hefur sett upp samskiptavef í tengslum við athuganir á því hve víða að úr Evrópu evrur berast inn í Holland.  Meir en 1000 manns hafa sent inn athuganir sínar.  Því miður er síðan aðallega á hollensku en þó má finna útdrátt á ensku, á  http://www.wiskgenoot.nl/eurodiffusie/engindex.html

_________________________________________________

Skoskir skólar

"Scottish Schools Online" er nýr gagngrunnur sem má leita í á vefnum.  Ætlunin er að þetta framtak ýti undir samskipti og samráð milli skóla.  Hver skóli skráir upplýsingar um sig og getur breytt þeim að vild.  Sjá
http://www.ngflscotland.gov.uk/schoolsonline/

_________________________________________________

Net vegna veikra barna

SCENT er skammstöfun á "the Sick Children's Educational Network for Teachers mailing list". Þetta er, eins og nafnið bendir, til póstlisti fyrir kennara sem kenna börnum á spítölum og börnum með langvarandi sjúkdóma. Sjá
http://www.becta.org.uk/inclusion/discussion/scent.html

____________________________________________________

Ein á - mörg verkefni

“La Seine aux mille visages aujourd’hui et il y a 100 ans »,  er verkefni þar sem fljótið  er lagt til grundvallar en síðan unnið með úr þessu þema / hugtaki / náttúrufyrirbrigði á fjölbreyttan og þverfaglegan hátt.  Sjá
http://www.petit-prince-euro.org/SITES/siteseine/index.htm

Tengiliður:  Rubén Ibañez, ruben.ibanez@versailles.iufm.fr
 

___________

ÓSKIR UM SAMVINNU
____________________________________________________

Frönskukennari í Portúgal óskar eftir samstarfsmönnum; Helena Pedrosa vill komast í kynni við frönskukennara í Evrópu eða um allan heim til að stofna net slíkra kennara.  Þannig ætti að vera auðveldara að setja upp samstarfsverkefni og koma á bréfaskipum.  Einnig væri hægt að ræða kennslufræðileg málefni á slíku neti.  Áhugasamir hafi samband við Helenu á netfanginu  nunilena@netvisao.pt
____________________________________________________

Lestur og skrift; Hilde Øen, barnaskólakennari í Spetalen í Noregi, óskar eftir að hefja samstarf um kennsluaðferðir í lestri og skrift.  Hún býðst til þess að vera stjórnandi í slíku samvinnuverkefni og sjá um að semja styrkumsóknirnar.  Netfang Hildu er  hilde.oen@rade.gs.of.no

____________________________________________________

Skoðanir nemenda á tölvunotkun í skólum;  Svissneskir skólamenn hafa áhuga á að kynnast viðhorfum nemenda til þessa.  Spurningalisti, á frönsku, liggur frammi á  http://www.educa.ch/dyn/9.asp?url=23853.htm , og svara má á hvaða formi sem er;  í texta, hljóði eða myndum; á geisladiski, myndbandi o.s.fr.
____________________________________________________

Margmiðlunarorðabók í frönsku

Hópur manna vinnur að undirbúningi Comeniusar-verkefnis fyrir frönskumælandi nemendur eða nemendur sem læra frönsku.  Markmiðið er að búa til margmiðlunarorðabók.  Verkefnið er ætlað nemendum á aldreinum 12 - 15 ára.  Rúmenskur samstarfsaðili hefur fengist og undirbúningsheimsókn er fyrirhuguð til Rúmeníu í október 2002.  Þeir sem hafa áhuga á að slást í hópinn hafi samband við stjórnanda verkefnisins fyrir 21. mars 2002.
Stjórnandi:  André Rombauts, ccm.ar.alleur@win.be

____________________________________________________

Margmiðlunarsýning á Ítalíu

Margmiðlunarsýning verður haldin í 4. sinn á Ítalíu dagana 12, 13. og 14. apríl 2002. Annars vegar verða sýnd margmiðlunarverkefni unnin í ýmsum skólum og hins vegar eru haldnir margmiðlunarólympíuleikar, þ.e. verðlaunasamkeppni.  Skólum býðst að taka þátt í þessari sýningu, með því leggja fram margmiðlunarefni og kynna það (senda nemendur og kennara).  Annað en ferðir er þátttakendum að kostnaðarlausu.
Nánari upplýsingar gefa Giuseppina Paternoster eða  Orietta Laviano, sem hafa netfangið  liceomelfi@tiscali.it

____________________________________________________

Á DÖFINNI
____________________________________________________
 

TED, Hátíð náms á neti og fjölgreindar verður haldin í Genúa á Ítalíu dagana 27. febrúar til 1. mars 2002
Þetta er stærsta sýning og markaður á sviði upplýsingatækni, á Ítalíu.  Kennarar eru hvattir til að sækja sýninguna.  Sjá www.ted-online.it

____________________________________________________

Upplýsingasíða Evrópska skólanetsins yfir ráðstefnur og viðburði í Evrópu er á
http://www.eun.org/events
 

Í lok fréttabréfsins eru upplýsingar um hvaða stofnanir standa að Evrópska skólanetinu.