Sagnir eru um að Granastaðir hafi staðið á holti móts við Sandvík. Þar má enn sjá grónar tóftir og er myndin tekin frá Borgarvoginum af litlu nesi yfir svæðið sem gengur undir nafninu Granastaðir. Hundaþúfa er fremst á myndinni. Rauðir deplar eiga að sýna lága hóla sem að líkindum eru gróin tóftarbrot. Um aldur þeirra er hinsvegar ekki vitað með vissu.
Á Granastöðum er nú fyrirhuga að leggja götu og byggja nokkur hús. Því er mikilvægt að fá skorið úr um uppruna rústanna áður en ráðist verður í framkvæmdir á svæðinu.
