Lengi hafði verið rætt um að ráðast í endurgerð húsanna í Englendingavík.  Ljóst var að burðarvirki húsanna var í þannig ástandi að forsvaranlegt var að gera við þau og mikilvægi húsanna fyrir sögu Borgarness og Mýra og Borgarfjarðar svo mikið að vert var að leggja í mikla vinnu til að forða húsunum frá eyðileggingu.  Verkefnið hófst formlega með stofnun hollvinasamtaka haustið 2003.  Síðan þá hefur sveitarfélagið keypt húsin og falið samtökunum að stýra endurgerð þeirra.  Ástandi húsanna er frekar lýst á síðunni "húsin í dag".