Stjórn Fjölbrautaskóla Vesturlands
| Skólanefnd | Skólameistari | Aðstoðarskólameistari |
| Áfangastjóri | Fjármálastjóri | Deildarstjórar | Skólaráð | Fulltrúaráð
Skólanefnd: Samkvæmt lögum um framhaldsskóla (nr. 92 frá 2008) skal menntamálaráðherra skipa fimm manna skólanefnd. Tveir fulltrúar skulu tilnefndir af sveitarstjórnum og þrír skulu skipaðir án tilnefningar. Áheyrnarfulltrúar í skólanefnd eru þrír, einn tilnefndur af kennarafundi, einn af nemendafélagi og einn af foreldraráði.
Skólameistari og aðstoðarskólameistari sitja fundi skólanefndar.
- Aðalmenn án tilnefningar eru: Helgi Guðmundsson, Hjördís Garðarsdóttir (formaður) og Marta Birna Baldursdóttir.
- Aðalmenn tilnefndir af fulltrúaráði Fjölbrautaskóla Vesturlands fyrir hönd sveitarfélaga eru: Helena Guttormsdóttir og Ólafur Helgi Haraldsson.
- Varamenn án tilnefningar eru: Dagbjört Guðmundsdóttir, Davíð Rósenkrans Hauksson og Sigríður Víðis Jónsdóttir.
- Varamenn tilnefndir af fulltrúaráði Fjölbrautaskóla Vesturlands fyrir hönd sveitarfélaga eru: Þórdís Þórisdóttir og Borghildur Jósúadóttir.
Áheyrnafulltrúi kennara sem kjörinn var á kennarafundi 19. ágúst 2009 er Anna Bjarnadóttir og varamaður er Eiríkur Guðmundsson. Þau voru bæði endurkjörin á kennarafundi 19. ágúst 2010 og aftur á kennarafundi 18. ágúst 2011. Áheyrnarfulltrúi foreldraráðs er Eyrún Þorleifsdóttir kjörin af stjórn eftir aðalfund ráðsins 20. september 2011.Fulltrúaráð: Fulltrúaráð skal vera skólanefnd til ráðuneytis um þjónustu skólans á Vesturlandi og vera tengiliður á milli skólanefndar og sveitarfélaga sem eiga aðild að skólanum. Fulltrúaráð Fjölbrautaskólans skal skipað 12 fulltrúum og 12 til vara. Kjörtímabil fulltrúa sveitarfélaga í fulltrúaráði er fjögur ár og fylgir kjörtímabili sveitarstjórna. Skipting fulltrúa eftir sveitarfélögum er sem hér segir: Akranes 5 fulltrúar og 5 til vara; Borgarbyggð 3 fulltrúar og 3 til vara; Dalabyggð 1 fulltrúi og 1 til vara; Eyja- og Miklaholtshreppur 1 fulltrúi og 1 til vara; Hvalfjarðarsveit 1 fulltrúi og 1 til vara; Skorradalshreppur 1 fulltrúi og 1 til vara.
Halla I. Guðmundsdóttir er áheyrnarfulltrúi kennara í fulltrúaráði skólans og Jón Gunnar Axelsson er til vara. Þau voru bæði kjörin á kennarafundi í ágúst 2010 og endurkjörin á kennarafundi í ágúst 2011.Skólameistari er Atli Harðarson. Skólameistari hefur yfirumsjón með starfsemi skólans, húsum hans og munum og rekstri öllum. Hann ber ábyrgð á að öll starfsemi hans sé í samræmi við lög, reglugerðir og námskrár á hverjum tíma.
Aðstoðarskólameistari er Jens Benedikt Baldursson. Aðstoðarskólameistari er staðgengill skólameistara og honum til aðstoðar við daglega stjórn skólans og rekstur. Hann hefur m.a. umsjón með brautskráningu nemenda. Aðstoðarskólameistari er umsjónarmaður kvöldskóla þegar hann er starfræktur.
Áfangastjóri er Dröfn Viðarsdóttir. Áfangastjóri annast námsferilsskráningu, eftirlit með framkvæmd námsvals og úrvinnslu einkunna. Hann annast tölvuvinnslu námsferilsskrár og stundaskrár. Til hans skal leita um breytingar á stundaskrá, svo sem úrsögn úr áfanga og nýskráningu svo og allt er varðar frávik frá eðlilegri skólasókn.
Fjármálastjóri er Guðný Rún Sigurðardóttir. Fjármálastjóri sér um öll fjármál skólans og bókhald. Fjármálastjóri hefur m.a. yfirumsjón með innheimtu þeirra gjalda er nemendum ber að greiða, s.s. innritunargjalda og húsaleigu á heimavist.
Deildarstjórar: Deildarstjórar hafa umsjón með kennslu, námsefni og námskröfum í þeim greinum sem falla undir deildarstjórn hvers og eins. Til þeirra skulu nemendur leita vegna almennra upplýsinga og vandamála er snerta nám í greinum þeirra. Þeir sjá um námsmat úr öðrum skólum ásamt áfangastjóra og aðstoðarskólameistara.
Deildarstjórar eru:
Bjarnveig Ingvarsdóttir Íslenska og saga Bjarnþór G. Kolbeins Stærðfræði, tölvufræði, viðskiptagreinar Eiríkur Guðmundsson Rafiðngreinar Helena Valtýsdóttir Tungumál Helgi Magnússon Íþróttir Hafdís Fjóla Ásgeirsdóttir Starfsbraut Ólöf H. Samúelsdóttir Samfélagsgreinar Sigurgeir Sveinsson Tréiðngreinar og listgreinar Þorbjörg Ragnarsdóttir Raungreinar, heilbrigðisgreinar Þröstur Þór Ólafsson Málmiðngreinar Skólaráð: Skólaráð skipa tveir kjörnir fulltrúar nemenda, tveir kjörnir fulltrúar kennara, skólameistari, aðstoðarskólameistari og áfangastjóri. Ef ástæða þykir til situr námsráðgjafi fundi skólaráðs sem áheyrandi með málfrelsi og tillögurétt. Skólaráð er samstarfsvettvangur stjórnenda, kennara og nemenda og skal fjalla um innri málefni skólans sem ekki eru sérstaklega falin skólameistara einum eða almennum kennarafundi. Skólaráð fjallar m.a. um brot nemenda á skólareglum og um undanþágur frá skólasóknarreglum, auk þess sem það fjallar um ýmis málefni nemenda sem þeir sækja til skólayfirvalda. Sá sem leggur erindi fyrir skólaráð skal vitja um afgreiðslu þess. Skólaráð starfar samkvæmt lögum um framhaldsskóla og reglugerð frá menntamálaráðuneytinu.
Fulltrúar kennara í skólaráði eru Ingólfur Ingólfsson (kosinn haust 2011) og Ólöf H. Samúelsdóttir (kosin haust 2010). Varamaður er Kristín L Kötterheinrich (kosinn haust 2011). Fulltrúar nemenda í skólaráði eru Árný Lára Sigurðardóttir og Kristín Björk Lárusdóttir (báðar kosnar haust 2011) og varamaður Kristrún Skúladóttir (kosin haust 2011).