Nýting kennslu á vorönn 2005

Viðmið menntamálaráðuneytis gera ráð fyrir að nemendafjöldi á hvern kennara í námshópum sé sem hér segir:
 
Almennar bóklegar greinar og íþróttir (BÓK) 25
Fagbóklegir áfangar (FBL) 15
Áfangar í fornámi, þ.e. með millitölu 9 (FOR) 15
Hægferðir (HÆG) 25
Listgreinar (LIS) 15
Raungreinar (RAU) 20
Samkenndir áfangar, þ.e. þar sem tveir eða fleiri kennarar kenna saman (SAM)  18
Tölvufræði og upplýsingatækni (TÖL) 15
Áfangar í verklegu námi (VEL) 12

Reiknilíkan menntmálaráðuneytisins gerir ráð fyrir að hópastærðir við lok annar séu að jafnaði ekki undir 77,46% af þeim tölum sem lesa má hér að ofan. Þetta er stundum orðað svo að nýtingarkrafa ráðuneytisins sé 77,46%. Frá þessu er þó sú undantekning að ráðuneytið gerir aðeins kröfu um 65,84% nýtingu á kennslu í fornámsáföngum (þar dugar sem sagt að nemendafjöldi sem lýkur hverjum áfanga sé 65,84% af 15).
    Þann 17. janúar 2005 var fjöldi nemenda á hvern kennara í námshópum við Fjölbrautaskóla Vesturlands að jafnaði 84,63% af þessum viðmiðunartölum eða nokkru ofan við nýtingarkröfu ráðuneytisins sem var að jafnaði 77,09% (þ.e. 65,84% í fornámsáföngum og 77,46% í öllum öðrum áföngum). Á önninni hættu 26 nemendur í skólanum. Þessir 26 nemendur voru í samtals 395 einingum við upphaf annar. Til viðbótar við þetta skráðu 66 nemendur sig úr samtals 235 einingum. Þessar úrsagnir jafngilda því að um það bil 36 nemendaígildi (þ.e. nemendur í 17,5 eininga námi) hafi hætt í skólanum. Úrsagnir nemenda úr skóla og úr einstökum áföngum urðu til þess að námshópar minnkuðu að meðaltali um 6,50% svo nýtingin við lok annar var um það bil 79,13% (þ.e. 93,50% af 84,63%).
    Hér að neðan er nýting kennslu, við upphaf annar, sundurliðuð eftir deildum:

  

Nýting  

 Meðalfjöldi nemenda 
á hvern kennara 
í kennslustundum
Erlend tungumál
87,23%
21,5
Íslenska
90,20%

21,9
Íþróttir
81,41%
23,6
Málmiðnagreinar
82,11%
10,6
Rafiðnir
73,58%
9,1
Raungreinar
91,64%
14,7
Samfélagsgreinar 
93,39%
23,6
Stærðfræði
81,49%
18,8
Tréiðnagreinar
71,69%
9,6
Viðskiptagreinar
89,16%
18,7

Ath. í einnar einingar áföngum í íþróttum eru kenndar þrjár vikustundir en ekki tvær og lækkar þetta nýtinguna í íþróttum.

Markmið skólans eru að

a) í öllum greinaflokkum sé nýting kennslu fyrir ofan 77,46% við upphaf annar og
b) niðurstaða fyrir skólann í heild sé ofan við þessi mörk við lok annar.

Á vorönn 2005 náðist markmið b en markmið a náðist ekki því nýting kennslu í rafiðnum og tréiðnagreinum var undir mörkum.