10. mars: Stærðfræðikeppni fyrir grunnskólanema
Árleg stærðfræðikeppni fyrir nemendur áttundu, níundu og tíundu bekkja grunnskóla á Vesturlandi var haldin í Fjölbrautaskóla Vesturlands miðvikudaginn 10. mars, klukkan 15. Keppendur voru 144 nemendur frá 9 grunnskólum: Auðarskóla, Brekkubæjarskóla, Grundaskóla, Grunnskólanum í Borgarnesi, Grunnskólanum á Hólmavík, Grunnskóla Borgarfjarðar, Heiðarskóla, Laugargerðisskóla og Reykhólaskóla. Að lokinni keppni nutu þátttakendur veitinga í mötuneyti skólans.Styrktaraðili keppninnar er Norðurál á Grundatanga. Viðurkenningar verða veittar laugardaginn 10. apríl kl 13:00.

10. mars: Kynningarmyndband frá gamanleiknum Karokí
Hér má nálgast kynningarmynband frá gamanleiknum Karokí sem leiklistarklúbbur NFFA hefur til sýningar um þessar mundir í Bíóhöllinni. Kynningarmyndbandið var útbúið af kvikmyndaklúbbi NFFA undir stjórn Sölku Margrétar Sigurðardóttur. Í Skessuhorni má lesa umfjöllun um sýninguna. Sjá umfjöllun hér.

8. mars: Frumsýning á gamanleiknum Karokí
Laugardagskvöldið 6. mars frumsýndi leiklistarklúbbur nemendafélagsins gamanleikinn Karokí í Bíóhöllinni á Akranesi. Höfundar og leikstjórar verksins eru Einar Viðarsson og Gunnar Sturla Hervarsson. Húsfyllir var á sýningunni og skemmtu áhorfendur sér hið besta. Leikstjórar, leikarar og aðrið sem að verkinu komu eiga lof skilið fyrir frábæra sýningu.

                                                                                                                           Ljósmynd: Inga Sigurðardóttir
Skólavefurinn hvetur alla til að mæta í Bíóhöllina og sjá þennan skemmtilega gamanleik. Verkið verður sýnt í kvöld, mánudaginn 8. mars klukkan 20. Næstu sýningar verða síðan á þriðjudag, fimmtudag og föstudag klukkan 20. Miðapantanir eru í síma 857-5994 eftir klukkan 16 og miðasala hefst í Bíóhöllinni tveimur tímum fyrir hverja sýningu. Góða skemmtun.

8. mars: Kvikmynd af opnum dögum
Kvikmynd sem tekin var á opnum dögum í síðustu viku liggur hér frammi. Myndin er tæplega 5 mínútur að lengd og skráin er 36 megabæti að stærð.

4. mars: Opnum dögum lokið - frí á morgun
Um hádegisbil í dag lauk opnum dögum og í kvöld verður árshátíð nemendafélagsins. Á morgun föstudaginn 5. mars verður frí í skólanum og skrifstofa hans lokuð.

4. mars: Myndir frá opnum dögum
Opnir dagar í Fjölbrautaskóla Vesturlands voru frá þriðjudegi 2. mars til fimmtudags 4.mars. Boðið var upp á mikinn fjölda fyrirlestra, námskeiða og ferða. Myndir frá nokkrum viðburðanna eru hér.

1. mars: Skólabíll á opnum dögum
Á þriðjudag, miðvikudag og fimmtudag í þessari viku eru opnir dagar. Þá daga leggur skólabíllinn af stað klukkan 8:10 frá Borgarnesi en ekki klukkan 7:40. Brottför frá Akranesi er klukkan 15:45 á þriðjudag og miðvikudag og klukkan 13:00 á fimmtudag.

24. febrúar: Val fyrir opna daga
Opnir dagar verða á þriðjudag, miðvikudag og fimmtudag í næstu viku. Nemendur velja dagskrárliði í þessari viku. Opnað verður fyrir val í Plútó klukkan 18 í dag, miðvikudag. Ætlast er til að allir nemendur í reglulegu námi sem fæddir eru 1989 eða síðar hafi valið fyrir klukkan 12 á föstudag. Þess er ekki krafist að eldri nemendur (þeir sem eru fæddir 1988 eða fyrr), nemendur með frávik frá skólasóknarreglur eða í óreglulegu námi (minna en 24 kennsklustundum í viku) taki þátt í dagskrá opinna daga en þeim er það að sjálfsögðu heimilt. Minnt er á að vinsælustu viðburðirnir fyllast fljótt og því borgar sig fyrir nemendur að velja strax þegar opnað verður fyrir skráningu klukkan 18 í dag.

18. febrúar: Íþróttavakning í framhaldsskólum
Í öllum framhaldsskólum landsins stendur yfir verkefnið "Íþróttavakning". Verkefnið er samstarfsverkefni Mennta- og menningarmálaráðuneytisins og nemendafélaga í framhaldsskólum með stuðningi skólanna. Verkefnið gengur út á að fá sem flesta nemendur til að taka þátt og eru skólum gefin stig fyrir þátttöku. Í gær tóku nemendur FVA þátt í Íþróttavakningunni og gengu í skrúðgöngu frá skólanum niður í íþróttahúsið við Vesturgötu og tóku þátt í Tarzanleik. Íþróttanefnd NFFA hafði skipulagt þennan viðburð undir dyggri stjórn Lóu Gísladóttur ásamt Jónínu Víglundsdóttur félagsmálfafulltrúa, Önnu Bjarnadóttur og Helga Magnússonar íþróttakennara skólans. Íþróttavakningin tókst í alla staði mjög vel og voru 330 nemendur sem tóku þátt í leiknum.



8. febrúar: Námskrárvinna ásamt FSU og FS
Undanfarið hefur Fjölbrautaskóli Vesturlands verið í samvinnu við Fjölbrautaskóla Suðurlands og Fjölbrautaskóla Suðurnesja um vinnu að nýrri námskrá sem áætlað er að taki gildi í ágúst 2011. Í dag og á morgun (kl: 13:00 - 15:00) munu kennarar frá þessum þremur skólum funda. Í dag hittast hér í FVA fulltrúar kennara í samfélagsgreinum, á Selfossi fulltrúar tungumálakennara og í Keflavík fulltrúar kennara í íslensku og íþróttum. Á morgun koma hingað fulltrúar kennara í rafiðngreinum, tölvugreinum og stærðfræði. Til Selfoss fara fulltrúar í viðskiptagreinum og málmiðngreinum og til Keflavíkur kennarar í náttúruvísindum og sjúkraliðanámi. Vegna þessara funda verður rask á kennslu og munu nemendur geta fylgst með því inni á PLUTO og á tilkynningaskjá í anddyri skólans.

8. febrúar: Viðurkenning fyrir góðan árangur á sveinsprófi

Laugardaginn 5. febrúar bauð Iðnaðarmannafélagið í Reykjavík til hátíðlegrar athafnar í Ráðhúsi Reykjavíkur. Þar voru afhentar viðurkenningar til þeirra nýsveina sem náðu afbrags árangri á sveinsprófi árið 2009. Alls fengu 18 nemendur viðurkenningu frá félaginu. Meðal þeirra var Gísli Líndal Karvelsson vélvirki. Gísli Líndal lauk hér námi í vélvirkjun á vorönn 2007 og lauk sveinsprófi á síðasta ári með afbrags árangri. Á myndinni hér til hliðar er Gísli Líndal ásamt Þjóðbirni Hannessyni kennara í málmiðngreinum. Við óskum Gísla til hamingju með viðurkenninguna.

20. janúar: Breyting á tímaáætlun skólabíls
Frá og með mánudeginum 25. janúar verður brottför frá Borgarnesi klukkan 7:40 alla daga.

14. janúar: Áætlun skólabílsins
Áætlun Borgarnesrútunnar fyrir vorönn 2010 er komin á vefinn. Þið farið í krækjuna "þjónusta" hér til vinstri og veljið "Skólabíll", þá birtist áætlunin. Áætlunin tekur gildi á morgun, föstudaginn 15. janúar.

14. janúar: Fundur í bæjarstjórn unga fólksins
Fundur í bæjarstjórn unga fólksins var haldinn þriðjudaginn 12. janúar í Stjórnsýsluhúsinu á Akranesi. Árný Lára Sigurðardóttur og Guðmundur Böðvar Guðjónsson voru fulltrúar nemenda í FVA á fundinum. Þau höfðu þar framsögu og tóku þátt í umræðum og stóðu sig með miklum ágætum.

5. janúar: Ferðir skólabílsins á morgun og fyrstu daga annarinnar
Á morgun 6. janúar fer skólabíllinn frá Hyrnunni í Borgarnesi kl. 12:15 og til baka frá Akranesi kl. 15:30. Frekari upplýsingar um ferðir skólabílsins næstu daga má nálgast hér.

30. desember: Upphaf vorannar 2010
Mánudaginn 4. janúar klukkan 10 er fundur með öllu starfsfólki skólans og fulltrúum nemenda og strax þar á eftir er kennarafundur.

Nýnemar (sem ekki hafa verið nemendur áður í skólanum) mæta á kynningarfund klukkan 10 miðvikudaginn 6. janúar og fá afhentar stundatöflur. Aðrir nemendur geta sótt stundatöflur milli klukkan 13 og 16 sama dag. Kennsla samkvæmt stundatöflu hefst klukkan 8:30 fimmtudaginn 7. janúar. Óskir um breytingar á stundatöflum verða afgreiddar frá klukkan 13 - 18 þann 6. janúar og klukkan 8 - 12 og 13 - 17 fimmtudaginn 7. janúar og klukkan 8 - 12 og 13 - 15 föstudaginn 8. janúar. Töflubreytingum lýkur föstudaginn 8. janúar.

Heimavistin opnar þriðjudaginn 5. janúar klukkan 16.
Reglulegur skólaakstur hefst fimmtudaginn 7. janúar kl. 7:45.

21. desember: Brautskráning og skólaslit (listi yfir nemendur)
Laugardaginn 19. desember, var Fjölbrautaskóla Vesturlands slitið og 57 nemendur brautskráðir við hátíðlega athöfn á sal skólans. Hörður Ó. Helgason skólameistari ávarpaði samkomugesti og afhenti útskriftarnemum skírteini sín. Hafdís Ásgeirsdóttir aðstoðarskólameistari flutti annál vorannar 2009. Kristján Gauti Karlsson nýstúdent flutti ávarp fyrir hönd útskriftarnema.
Ásbjörn Egilsson fékk viðurkenningu skólans fyrir bestan námsárangur nýstúdenta á haustönn 2009. Oddur Björn Jóhannsson fékk Kötluverðlaun fyrir bestan námsárangur iðnnema sem luku námi á haustönn 2009. Aðrir útskriftarnemar sem fengu verðlaun og viðurkenningar eru Birkir Guðmundarson, Davíð Magnússon, Elsa Þorbjarnardóttir, Eva Laufey Kjaran Hermannsdóttir, Eyrún Jónsdóttir, Guðrún S. Sveinbjörnsdóttir, Harpa Jónsdóttir, Ívar H. Sævarsson, Kristín Sandra Karlsdóttir, Kristján Gauti Karlsson, Ragnar Harðarson, Skarphéðinn Magnússon og Þórarinn Halldórsson.

Í lokin ávarpaði Hörður Ó. Helgason skólameistari útskriftarnemendur, árnaði þeim heilla og þakkaði þeim fyrir samveruna. Samkomunni lauk með því að gestir risu úr sætum og sungu Bráðum koma blessuð jólin eftir Jóhannes úr Kötlum við lag W. B. Bradbury. Gyða Bentsdóttir var forsöngvari. Tómas Ævar Ólafsson lék undir á gítar.
Að athöfn lokinni þáðu gestir veitingar í boði skólans. Meira...

15. desember: Sýning á verkefnum og afhending einkunna fyrir sveinspróf
Í gær fengu nemendur sem þreyttu sveinspróf á trésmíðaverkstæði skólans um helgina afhentar einkunnir og jafnframt voru verkefni þeirra til sýnis. Við það tækifæri var myndin hér að neðan tekin. Á henni eru nemendur sem stóðust prófið ásamt þrem kennurum við deildina, skólameistara og Kristjáni Bjartmars prófdómara sem er lengst til vinstri. Verkefnið sem nemendur fengu var að smíða turnþak og leystu þeir það allir með miklum sóma.

14. desember: Einkunnarafhending
Aðgangur nemenda að einkunnum í INNU hefur verið opnaður og geta nemendur séð einkunnir sem búið er að skrá. Formleg einkunnaafhending er þó ekki fyrr en á miðvikudaginn kl. 10:30 og prófsýning verður þann sama dag klukka 11 - 12. Ekki er við því að búast að allar einkunnir verði komnar inn fyrr en á miðvikudaginn. Þótt einkunn hafi verið skráð í Innu og birt nemendum áskilur skólinn sér rétt til að leiðrétta mistök við útreikning eða skráningu einkunna.

14. desember: Inga Elín með Íslandsmet á EM
Inga Elín Cryer nemandi FVA setti Íslandsmet kvenna í 400 metra fjórsundi á lokadegi EM í 25 metra laug í Istanbúl. Skólavefurinn óskar henni til hamingju með árangurinn.

14. desember: Laus pláss á heimavist eftir áramót
Nokkur pláss á heimavist eru laus til umsóknar á vorönn 2010. Áhugasamir sæki um á skrifstofu skólans.

14. desember: Skólabíllinn á prófsýningardag
Skólabíllinn fer frá Borgarnesi kl. 9:45 og til baka frá Akranesi kl. 12:05, miðvikudaginn 16. desember.

8. desember: Inga Elín á EM í sundi
Inga Elín Cryer nemandi FVA á fyrsta ári mun keppa sem fulltrúi Íslands í 400 og 800 metra skriðsundi og 400 metra fjórsundi á EM í Instanbúl í Tyrklandi 10. - 13. desember næstkomandi. Skólavefurinn óskar Ingu Elínu alls hins besta.

2. desember: Mikilvægar dagsetningar á vorönn 2010
6. janúar Afhending stundatöflu og töflubreytingar.
7. janúar Kennsla hefst skv. stundatöflu.
29. mars Páskafrí hefst.
6. apríl Síðasti dagur í páskafríi.
22. apríl Sumardagurinn fyrsti.
30. apríl Síðasti kennsludagur.
3. maí Próf hefjast.
13. maí Uppstigningadagur
21. maí Brautskráning og skólaslit.

26. nóvember: Lea Hrund í landsliðshóp
Lea Hrund Guðjónsdóttir, nemandi FVA var valin í landsliðshópinn í sundi sem heldur utan í dag og mun keppa í Færeyjum helgina 27.- 29. nóvember. Skólavefurinn óskar henni alls hins besta.

23. nóvember: Inga Elín Cryer tvöfaldur Íslandsmeistari
Íslandsmeistaramót í sundi í 25 m laug fór fram um helgina. Sundfélag Akraness átti þar marga þátttakendur m.a. nokkra sem eru nemendur í FVA. Öll stóðu þau sig mjög vel. Hæst ber þó árangur Ingu Elínar Cryer sem varð Íslandsmeistari í 200 m. flugsundi og í 400 m fjórsundi þar sem hún setti einnig Íslandsmet. Inga Elín náði einnnig frábærum árangri í 400 m skriðsundi þar sem hún setti stúlknamet og varð í 2. sæti, hún varð einnig í 2. sæti í 800 m skriðsundi. Jón Þór Hallgrímson var einnig meðal verðlaunahafa, en hann varð í 2. sæti í 200 m flugsundi. Við óskum þeim Ingu Elínu og Jóni Þór til hamingju með glæsilegan árangur.

16. nóvember: Innritun fyrir vorönn 2010 stendur yfir
Umsóknarfrestur um nám á vorönn er til 25. nóvember. Rafrænni innritun í lýkur föstudaginn 20. nóvember en tekið verður við skriflegum umsóknum á afgreiðslu skólans til 25. nóvember. Hægt er að hefja nám á öllum stúdentsbrautum auk þess er hægt að hefja nám á almennri námsbraut, viðskiptabraut til verslunarprófs og húsasmíði (einstaklingar 20 ára og eldri eru velkomnir). Nokkur pláss eru laus í áfanganum CNC103 (CNC-stýringar) sem verður kenndur síðla dags á virkum dögum.Allar upplýsingar liggja frammi á vefnum menntagatt.is

Heimavist: Nokkur pláss á heimavist eru laus til umsóknar.

9. nóvember: Upptökur frá Skammhlaupi
Búið er að klippa saman og útbúa stutta vídeó-samantekt frá Skammhlaupinu sem haldið var föstudaginn 30. október. Hér má nálgast vídeó-samantektina.

5. nóvember: Skrefað og skrifað um Vesturflös
Á myndinni má sjá nokkra valinkunna þátttakendur í ÍSL2836 sem ber vinnuheitið Skrefað og skrifað. Hún er tekin við allra ystu mörk Skagans til suð-vesturs þar sem heitir Vesturflös. Flösin þessi skagar um 2-300 skref fram úr svokölluðum Grenjum þar sem er Skipasmíðastöð Þorgeirs og Ellerts. Leiða má líkum að því að þar sem nú sér aðeins í berar ísaldarklappirnar hafi áður verið grösugur tangi. En jafnvel þó að staðurinn megi e.t.v. muna fífil sinn fegri þá vita samt margir, og kannski engir betur en nemendurnir á myndinni, að þessar klappir hafa svo sannarlega hlutverki að gegna. Í vari við þær að sunnanverðu er Lambhúsasund.

4. nóvember: Tónlistarkeppni NFFA
Tónlistarkeppni NFFA var haldin síðastliðinn föstudag. Bergur Líndal Guðnason var kosinn besti bassaleikari,Halldór Símon Þórólfsson besti gítarleikari, Guðjón Jósef Baldursson besti trommari og Marinó Rafn Guðmundsson besti söngvari. Hljómsveitin "Stengah"hreppti fyrsta sætið, í öðru sæti var hljómsveitin "Cradlestone" og í því þriðja var hljómsveitin "Seagles of black metall". Hér má nálgast upptöku frá keppninni.

3. nóvember: Fræðslufundur Foreldraráðs
Fræðslufundur á vegum Foreldraráðs FVA verður mánudaginn 9. nóvember, klukkan 20:00 á sal skólans. Fulltrúar Rannsókna og greiningar við Háskólann í Reykjavík munu ræða um forvarnir með hliðsjón og aðkomu foreldra og skóla. Þá munu þeir sýna tölulegar niðurstöður um áfengis- og vímuefnanotkun meðal framhaldsskólanema og þá sérstaklega nemenda við FVA. Allir eru velkomnir, forráðamenn nemenda eru sérstaklega hvattir til að mæta.

2. nóvember: Innritun fyrir vorönn 2010
Rafræn innritun í framhaldsskóla fyrir vorönn 2010 er hafin og stendur til 20. nóvember. Allar upplýsingar liggja frammi á vefnum menntagatt.is

30. október: Skammhlaup, tónlistarkeppni og ball
Hið árlega skammhlaup, þar sem nemendur skiptastí 8 lið sem keppa í mörgum tugum greina, hófst klukkan 8:30 í morgun og stóð fram yfir hádegi. Lið þeirra hvítu sigraði. Klukkan 17 hefst tónlistarkeppni nemendafélags FVA sem fer fram í Bíóhöllinni.
Hátíðahöldum dagsins lýkur með dansleik á vegum nemendafélagsins.

27. október: Gestir frá sex löndum
Fjölbrautaskólinn er aðili að evrópsku Comeniusarverkefni sem nefnist "Europe in a Salad bowl" ásamt sex öðrum skólum í jafnmörgum Evrópulöndum. Auk Íslands eru það Austurríki, Eistland, Spánn, Svíþjóð, Tékkland og Ungverjaland. Þessa dagana eru í heimsókn hjá okkur 18 nemendur og 7 kennarar frá þessum sex löndum. Í morgun voru þátttakendur frá öllum löndunum með skemmtidagskrá á sal skólans. Í tengslum við sama verkefni fór Kristján E. Guðmundsson ásamt nemendunum Ásbirni Egilssyni, Evu Laufey Hermannsdóttur og Guðmundi B. Guðjónssyni í heimsókn til Eistlands og Svíþjóðar í síðustu viku. Á sama tíma fór Jón Árni fór ásamt nemendunum, Kristjáni Gauta Karlssyni, Gyðu B. Bergþórsdóttur og Bergþóru Friðriksdóttur til Spánar og Austurríkis. Umsjón með þessari heimsókn hefur Kristján E. Guðmundsson.

26. október: Inga Elín náði A-lágmarki á EM
Inga Elín Cryer nemandi FVA á fyrsta ári náði A-lágmarki á Evrópumeistaramótið í 25 metra laug í 400 metra fjórsund ií Hafnarfirði um helgina. Hún náði einnig B-lágmarki í 400 og 800 metra skriðsundi. Inga Elín mun keppa sem fulltrúi Íslands í þessum greinum á EM í Instanbúl í Tyrklandi 10. - 13. desember næstkomandi. Skólavefurinn óskar Ingu Elínu til hamingju með árangurinn.

26. október: Einar Örn með brons
Á bikarmóti IKF-Metal sem haldið var laugardaginn 24. október hreppti Einar Örn Guðnason nemandi við málmiðnadeild skólans bronsverðlaun í 90 kg flokki fyrir samanlagðan árangur í hnébeygju, bekkpressu og réttstöðulyftu. Að auki setti hann þrjú drengjamet. Skólavefurinn óskar Einari Erni til hamingju með árangurinn.

20. október: Góður árangur Arons Öfjörð í stærðfræðikeppni
Stærðfræðikeppni framhaldsskólanema var haldin við framhaldsskóla um land allt þann 6. október. Aron Öfjörð Jóhannesson, nemandi á þriðja ári á náttúrufræðibraut, varð í ellefta sæti í eldri flokki og ávann sér þar með rétt til þátttöku í úrslitakeppninni sem haldin verður síðar í vetur. Skólavefurinn óskar Aroni Öfjörð til hamingju með þennan góða árangur.

20. október: Skammhlaup
Hið árlega skammhlaup, þar sem nemendur skiptast í lið sem keppa í mörgum greinum verður föstudaginn 30. október. Hér má nálgast "videoklippu" af skammhlaupi frá því fyrir ári síðan.

14. október: Miðannarfrí
Fimmtudag 15. október og föstudag 16. október er miðannarfrí. Engin kennsla verður þessa daga og skrifstofa skólans verður lokuð. Heimavistin verður lokuð frá klukkan 18 í dag 14. október til klukkan 18 sunnudag 18. október.

14. október: Val á áföngum fyrir vorönn 2010
Frestur til að skrá val á áföngum fyrir vorönn 2010 er framlengdur til miðvikudagsins 21. október. Allar upplýsingar sem nota þarf til að velja áfanga eru hér á vefnum. Þeim sem þurfa aðstoð eða ráðgjöf er bent á að hafa samband við aðstoðarskólameistara, áfangastjóra eða námsráðgjafa hið fyrsta.

14. október: Jöfnunarstyrkur
Minnt er á að frestur til að sækja um um jöfnunarstyrk rennur út í dag 15. október. Upplýsingar eru á vef LÍN (www.lin.is). Nemendur sem verða að dvelja fjarri lögheimili sínu og fjölskyldu vegna náms geta fengið dvalarstyrk og þeir sem sækja nám frá lögheimili og fjölskyldu fjarri skóla geta fengið akstursstyrk.

12. október: Útivistarhópur á Hafnarfjalli
Frískur hópur nemenda í áfanganum ÍÞR3U13 gekk á Hafnarfjall á laugardaginn 3. október síðastliðinn. Veður var fallegt en kalt, logn var á toppnum og skrifuðu allir ferskir og kátir í gestabókina.

30. september: Námsáætlanagerð og val fyrir vorönn 2010
Upplýsingar um námsáætlanagerð og val fyrir vorönn 2010 eru komnar á vefinn og búið að opna fyrir skráningu á vali í Innu. Nemendur sem ætla að vera í skólanum á vorönn 2010 þurfa að skrá val í Innu fyrir 14. október. Nemendur geta fengið aðstoð við valið hjá námsráðgjöfum, áfangastjóra, aðstoðarskólameistra og deildarstjórum.

30. september: Fundargerð skólanefndarfundar
Skólanefnd Fjölbrautaskóla Vesturlands kom saman þann 23. september síðastliðinn.. Fundargerð liggur hér frammi.

28. september: Sjö nemendur FVA fá Forsetamerki skátahreyfingarinnar
Laugardaginn 26. september afhenti forseti Íslands 22 skátum Forsetamerkið. Forsetamerkið hefur verið afhent árlega síðan 1965 og er staðfesting á að skátinn hafi stundað þróttmikið skátastarf í a.m.k tvö ár og lokið tilskyldum námskeiðum og verkefnum. Í hópi þeirra sem fengu Forsetamerkið afhent þetta árið eru sjö nemendur Fjölbrautaskóla Vesturlands. Þær Bergþóra Sveinsdóttir, Klara Árný Harðardóttir, Kristjana Kristjánsdóttir, Margrét Helga Guðmundsdóttir, Sædís Eir Benteinsdóttir, Valgerður Stefánsdóttir og Unnur Rebekka Þráinsdóttir. Við óskum þeim til hamingju með þessa viðurkenningu.

24. september: Ný stjórn Foreldraráðs Fjölbrautaskóla Vesturlands
Lög Foreldrafélgs FVA voru endurskoðuð á aðalfundi félagsins þriðjudaginn 22. september síðastliðinn og var nafni félagsins breytt í Foreldraráð Fjölbrautaskóla Vesturlands. Á fundinum var kosin ný stjórn og í henni eiga sæti: Borghildur Jósúadóttir, Erla Olgeirsdóttir, Eyrún Kristínardóttir, Hrefna Ingólfsdóttir, Margrét Þóra Jónsdóttir, Ósk Jónsdóttir og Theódóra Jóhannsdóttir. Birna Þorbergsdóttir og Linda Björk Pálsdóttir voru kjörnar skoðunarmenn reikninga.

18. september: Foreldrafundur
Þriðjudaginn 22. september klukkan 19:30 verður almennur foreldrafundur í Fjölbrautaskóla Vesturlands. Fundurinn byrjar á aðalfundi Foreldrafélags Fjölbrautaskóla Vesturlands. Að þeim fundi loknum verður farið yfir nokkur atriði í starfi skólans og síðan gefst forráðamönnum nýnema tækifæri til að hitta umsjónarkennara barna sinna. Skólastjórnendur og námsráðgjafar verða til viðtals.

8. september: Jöfnunarstyrkur
Opnað hefur verið fyrir umsóknir um jöfnunarstyrk vegna skólaársins 2009-2010. Umsóknarfrestur er til 15. október næstkomandi. Hægt er að sækja um styrkinn í gegnum netbanka eða Innu, vefkerfi framhaldsskólanna.
Nemendur sem verða að dvelja fjarri lögheimili sínu og fjölskyldu vegna náms geta fengið dvalarstyrk og þeir sem sækja nám frá lögheimili og fjölskyldu fjarri skóla geta fengið akstursstyrk. Allir sem ferðast með skólabílnum í Borgarnesi verða að sækja um.
Nánari upplýsingar eru á vef LÍN (www.lin.is).

7. september: Nýnemasprell á Langasandi
Síðastliðinn föstudag stóð nemendafélag skólans fyrir "Nýnemasprelli". Nýnemar gengu fylktu liði undir dyggri stjórn eldri nemenda upp á Langasand þar sem þeir leystu ýmsar skemmtilegar þrautir á sandinum og í sjónum. Allir virtust skemmta sér hið besta og enginn er verri þótt hann vökni. Fleiri myndir

3. september: Tímasetning helgarnáms í húsasmíði
Fyrsta kennsluhelgin verður 12. og 13. september og mæting er klukkan 8:30. Upplýsingar um aðrar kennsluhelgar finnið þið undir krækjunni "helgarnám í húsasmíði" hér til hægri á síðunni.

25. ágúst: Áætlun skólabílsins
Áætlun Borgarnesrútunnar fyrir haustönn 2009 er komin á vefinn. Þið farið í krækjuna "þjónusta" hér til vinstri og veljið "Skólabíll", þá birtist áætlunin.

25. ágúst: Skólaheimsókn frá Austurríki
Fjölbrautaskólinn er aðili að Evrópsku Comeniusarverkefni sem nefnist "Europe in a Salad bowl" og standa að því 6 skólar auk FVA. Þessa dagana eru í heimsókn hjá okkur 9 nemendur og 2 kennarar, ásamt skólastjóra frá einum þessara skóla, BHAK Bregenz (Bundeshandelsakademie Bregenz) í Austurríki. Eru þau að kynna sér íslenska skólakerfið og líf og starf í íslenskum framhaldsskóla. Umsjón með þessari heimsókn hefur Kristján E. Guðmundsson.

25. ágúst: Áætlun Borgarnesrútu 25.08 - 28.08
Brottför frá Borgarnesi verður klukkan 7:45 alla daga vikunnar.
Brottför frá skólanum verður klukkan 15:45 á þriðjudag, miðvikudag og fimmtudag.
Á föstudag verður brottför frá skólanum klukkan 14:40.
Endanleg áætlun haustannar verður auglýst föstudaginn 28.08.

18. ágúst: Upphaf haustannar 2009
Fjölbrautaskóli Vesturlands verður settur mánudaginn 24. ágúst kl. 10.
Nýnemar eiga að koma á skólasetninguna. Foreldrar og forráðamenn þeirra og eldri nemendur eru einnig velkomnir. Að skólasetningu lokinni munu nýnemar hitta umsjónarkennara sína, fá stundatöflur afhentar og önnur gögn um skólann. Sérstök dagskrá verður fyrir nýnema þennan dag til kl. 15:30.

Eldri nemendur geta sótt stundatöflur sínar mánudaginn 24. ágúst kl. 13 - 17.
Heimavistin opnar sunnudaginn 23. ágúst kl. 16.
Kennsla hefst samkvæmt stundatöflu þriðjudaginn 25. ágúst kl. 8:30.

Skólabíll fer frá Borgarnesi mánudaginn 24. ágúst kl: 9:15 og til baka
kl. 16:30. Reglulegur skólaakstur frá Borgarnesi hefst þriðjudaginn 25. ágúst kl. 7:45.

Verslunin Eymundsson, Akranesi, verður með þær bækur til sölu sem notaðar eru í kennslu í FVA. Skiptibókamarkaður er hafinn. Verslunin verður opin til kl. 21, mánudaginn 24. ágúst.

Bókalista fyrir haustönn 2009 má nálgast hér til hægri á heimasíðunni.

18. ágúst: Foreldrafélag Fjölbrautaskóla Vesturlands boðar til fundar
Foreldrafélag FVA boðar til fundar fimmtudaginn 20. ágúst kl. 20 á sal Fjölbrautaskólans. Allir aðstandendur nemenda FVA eru hvattir til að mæta, sérstaklega er mikilvægt að forráðamenn nemenda undir 18 ára aldri mæti. Stjórnendur FVA koma á fundinn.

11. ágúst: Aðstoðarskólameistari
Atli Harðarson, aðstoðarskólameistari verður í námsorlofi skólaárið 2009-2010. Hafdís Fjóla Ásgeirsdóttir mun gegna stöðu aðstoðarskólameistara í fjarveru hans.

11. ágúst: Fundargerð fulltrúaráðsfundar
Fulltrúaráð Fjölbrautaskóla Vesturlands kom saman þann 24. júní. Fundargerð liggur hér frammi.

11. ágúst: Fundargerð skólanefndarfundar
Skólanefnd Fjölbrautaskóla Vesturlands kom saman þann 18. júní. Fundargerð liggur hér frammi.

10. ágúst: Fjarnám og dreifnám
Menntamálaráðuneytið hefur boðað samdrátt í fjárveitingum til framhaldsskóla. Sá samdráttur hefur m.a. í för með sér að fjárveiting til fjarkennslu og dreifnáms verður skert um 50%.
Þetta hefur þau áhrif að Fjölbrautaskóli Vesturlands getur hvorki boðið upp á fjarnám né dreifnám á komandi haustönn. Þó verður reynt að koma til móts við nemendur sem eiga lítið eftir til að ljúka þeirri námsbraut sem þeir eru skráðir á og hafa ekki möguleika á að ljúka námi á annan hátt. Nemendur sem þannig eru staddir þurfa að hafa samband við stjórnendur skólans.

4. ágúst: Opnunartími skrifstofu skólans
Skrifstofa skólans er opin alla virka daga frá klukkan 7:50 til klukkan 15:00. Svarað er í síma 433-2500 mánudaga-fimmtudaga frá kl. 8:00-16:00 og föstudögum frá kl. 8:00-14:45.

19. júní: Lokun vegna sumarleyfa starfsfólks
Skrifstofa skólans er lokuð vegna sumarleyfa starfsfólks frá klukkan 15 í dag föstudag 19. júní. Hún opnar aftur klukkan 13 þriðjudaginn 4. ágúst. Þeir sem eiga     brýn erindi við skólann geta náð í skólameistara í síma 864 1711, aðstoðarskólameistara í síma 897 4190 og áfangastjóra í síma 897 5148.

19. júní: Fundur í skólanefnd
Í gær, 18. júní var fundur í skólanefnd Fjölbrautaskóla Vesturlands. Fundarefni voru: Innritun fyrir haustönn, rekstrarstaða skólans, ný útgáfa skólanámskrár, breytingar á starfsliði, hækkun á gjaldskrá mötuneytis og heimavistar.

16. júní: Svör við umsóknum um skólavist
Svör við umsóknum um skólavist á haustönn 2009 verða póstlögð fyrir vikulok. Þetta á við um umsóknir um reglulegt nám í dagskóla sem bárust áður en umsóknarfrestur rann út þann 11. júní. Hvorki er unnt að svara umsóknum um nám á sjúkraliðabraut né umsóknum um fjarnám og dreifnám fyrr en eftir verslunarmannahelgi.

16. júní: Svör við umsóknum um pláss á heimavist
Svör við umsóknum um pláss á heimavist verða póstlögð föstudaginn 19. júní.

15. júní: Nemendafjöldi eftir að innritun er lokið
Nú þegar innritun fyrir haustönn 2009 er lokið er fjöldi þeirra sem óskar eftir skólavist alls 686. Þar af eru 126 sem luku 10. bekk í vor og 65 aðrir nemendur sem ekki voru í skólanum á vorönn 2009.
   Af þessum 686 nemendum eru 482 fæddir 1990 eða seinna, 104 fæddir á árabilinu 1986 til 1989 og 100 fæddir 1985 eða fyrr. Karlar eða piltar eru 376 og stúlkur eða konur eru 310.

12. júní: Innritun fyrir haustönn 2009 lauk í gærkvöldi
Festur til að sækja um skólavist á haustönn 2009 rann út í gærkvöldi. Alls 125 nemendur sem luku 10. bekk í vor sóttu um FVA sem aðalskóla og 44 sóttu um FVA sem fyrsta varaskóla. Samsvarandi tölur frá vorinu 2008 eru 135 og 39 og vorið 2007 voru þær 133 og 35.

29. maí: Innheimta innritunargjalda fyrir haustönn 2009
Sendir hafa verið út greiðsluseðlar vegna innritunargjalda fyrir haustönn 2009. Gjalddagi er 1. júní og eindagi 10. júní. Nemendur staðfesta að þeir ætla að koma í skólann með því að greiða fyrir lok eindaga. Þeir sem ekki borga verða teknir af skrá.
   Ekki voru sendir greiðsluseðlar til allra sem völdu áfanga á haustönn 2009 enda ekki hægt að gefa öllum ákveðin svör um skólavist fyrr en unnið hefur verið úr umsóknum nýnema.
   Eftirtaldir nemendahópar fá svör við umsóknum um skólavist og greiðsluseðla fljótlega eftir miðjan júní:
 • Nýnemar og endurinnritaðir nemendur sem voru ekki í skólanum á vorönn 2009;
 • Þeir sem sækja um að byrja í iðnnámi eða sjúkraliðanámi;
 • Þeir sem voru með fall (undir 5) í skólasókn og verulegum hluta áfanga á vorönn.
Umsóknir um dreifnám og fjarnám verða afgreiddar í lok ágúst.

23. maí: Brautskráning og skólaslit (Listi yfir nemendur ... Myndir ... Meira ...)  
Í dag, laugardag 23. maí 2009, var Fjölbrautaskóla Vesturlands slitið og 53 nemendur brautskráðir við hátíðlega athöfn á sal skólans. Hörður Ó. Helgason skólameistari ávarpaði samkomugesti og afhenti útskriftarnemum skírteini sín. Atli Harðarson aðstoðarskólameistari flutti annál vorannar 2009. Vilborg Lárusdóttir nýstúdent flutti ávarp fyrir hönd útskriftarnema.
   Hörður Kári Harðarson fékk viðurkenningu skólans fyrir bestan námsárangur nýstúdenta á vorönn 2009. Fannar Magnússon fékk Kötluverðlaun fyrir bestan námsárangur iðnnema sem luku námi á vorönn 2009. Aðrir útskriftarnemar sem fengu verðlaun og viðurkenningar eru Ásta Þorsteinsdóttir, Gyða Kristjánsdótti, Halldór Ragnar Guðjónsson, Halldóra Guðjónsdóttir, Ragnar Þór Gunnarsson, Sturla Magnússon, Vilborg Lárusdóttir og Þórey Hólm Heimisdótti.
   Námsstyrkur Akraneskaupstaðar og Borgarbyggðar skiptist jafnt milli tveggja umsækjenda sem báðir luku námi á vorönn 2009. Þeir eru Hörður Kári Harðarson sem lauk stúdentsprófi af náttúrufræðibraut með lífvísindakjörsviði og Tómas Guðmundsson sem lauk burtfararprófi af námsbraut í rafvirkjun og stúdentsprófi eftir nám í rafvirkjun.
   Marianne Sigurðardóttir sem lauk stúdentsprófi af náttúrufræðibraut í desember 2008 fékk verðlaun fyrir framúrskarandi námsárangur úr sjóði Guðmundar P. Bjarnasonar á Sýruparti.

Hörður Ó. Helgason skólameistari ávarpaði útskriftarnemendur í lokin, árnaði þeim heilla og þakkaði þeim fyrir samveruna. Að athöfn lokinni þáðu gestir veitingar í boði skólans. (Meira ...)

22. maí: Brautskráning og skólaslit á morgun
Á morgun, laugardag 23. maí, verður skólanum slitið og 53 nemendur brautaskráðir. Athöfnin, sem fram fer á sal skólans, hefst klukkan 14.

19. maí: Náttúrufræðiháskóli unga fólksins
Alla þessa viku eru fjórir nemendur af náttúrufræðibraut skólans á námskeiði hjá Landbúnaðarháskóla Íslands á Hvanneyri. Alls eru tíu nemendur á námskeiðinu, hinir sex eru úr Fjölbrautaskóla Snæfellinga og Menntaskóla Borgarfjarðar. Námskeiðið, sem kallast Náttúrufræðiháskóli unga fólksins, er í boði Landbúnaðarháskólans og á því kynnast nemendur rannsóknaraðferðum og vinnubrögðum náttúruvísindamanna.
    Þegar ljósmyndari skólavefjarins hitti hópinn um hádegisbilið í dag var verið að sækja laxaseiði í Andakílsá og skoða þau í rannsóknarstofum Landbúnaðarháskólans.

Nemendurnir úr Fjölbrautaskóla Vesturlands sem taka þátt í námskeiðinu eru Ásta Þorsteinsdóttir, Elsa Þorbjarnardóttir, Guðný Vilhjálmsdóttir og Sara Lísa Ævarsdóttir. Þær hafa allar náð góðum árangri í náttúrufræðinámi, enda er námskeiðið einungis ætlað nemendum sem hafa sýnt dugnað og áhuga á því sviði.

19. maí: Sýning á verkefnum og afhending einkunna fyrir sveinspróf
Í gær fengu nemendur sem þreyttu sveinspróf á trésmíðaverkstæði skólans um helgina afhentar einkunnir og jafnframt voru verkefni þeirra til sýnis á trésmíðaverkstæði skólans. Við það tækifæri að myndin hér að neðan tekin. Á henni eru nemendur sem stóðust prófið ásamt þrem kennurum við deildina og Braga Finnbogasyni prófdómara sem er lengst til hægri á myndinni. Verkefnið sem nemendur fengu var að smíða snúinn tréstiga og sést í tvo slíka á myndinni.

19. maí: Skráning einkunna í Innu
Frá hádegi í gær hafa nemendur getað séð einkunnir sem búið er að skrá í Innu. Formleg einkunnaafhending er þó ekki fyrr en morgun og ekki er við því að búast að allar einkunnir verði komnar inn fyrr en þá. Þótt einkunn hafi verið skráð í Innu og birt nemendum áskilur skólinn sér rétt til að leiðrétta mistök við útreikning eða skráningu einkunna.

18. maí: Brottfall mun meira en undanfarnar annir
Frá því töflubreytingum lauk og þar til próf byrjuðu hættu 46 nemendur í skólanum og til viðbótar voru 194 nemendur skráðir úr einstökum áföngum. Úrsagnir nemenda úr skóla og úr einstökum áföngum urðu til þess að námshópar minnkuðu að meðaltali um 11,2%. Til samanburðar má nefna að á vorönn 2008 var brottfallið 7,0% og á vorönn 2007 var það 7,5%.

18. maí: Sveinspróf í húsasmíði
Um síðustu helgi þreyttu átta nemendur sveinspróf í húsasmíði á trésmíðaverkstæði skólans. Fimm af þeim verða brautskráðir af námsbraut í húsasmíði laugardaginn 23. maí, tveir voru brautskráðir frá skólanum í fyrra og einn lýkur námi næsta vetur. Prófdómari var Bragi Finnbogason.

15. maí: Opnað hefur verið fyrir rafræna innritun
Opnað hefur verið fyrir rafræna innritun í framhaldsskóla á haustönn 2009. Allar upplýsingar eru á vefnum http://www.menntagatt.is/. Innritun lýkur 11. júní.

13. maí: Atvinnu- og búsetuhorfur nemenda
Þann 22. apríl var lögð könnun fyrir nemendur í umsjónartíma þar sem meðal annars var spurt um atvinnu- og búsetuhorfur. Könnunin, sem unnin var af Samtökum sveitarfélaga á Vesturlandi, Símenntunarmiðstöð Vesturlands og Vinnumálastofnun á Vesturlandi, var einnig lögð fyrir nemendur í framhaldsskólunum í Borgarnesi og Grundarfirði.
   Við Fjölbrautaskóla Vesturlands töldu 66% svarenda sig hafa trygga atvinnu næsta sumar. Í hinum skólunum tveim var þetta hlutfall hærra eða 72% í Grundarfirði og 76% í Borgarnesi.
   Stúlkur voru talsvert bjartsýnni er piltar. Við Fjölbrautaskóla Vesturlands sögðust 79% stúlkna en aðeins 59% drengja hafa trygga sumarvinnu. Atvinnuhorfur eldri nemenda virðast talsvert bjartari en hjá þeim yngri. Af Akurnesingum sem fæddir eru 1992 töldu aðeins 49% sig hafa trygga sumarvinnu en hjá næstu þrem árgöngum, sem fæddir eru 1991, 1990 og 1989, er þetta hlutfall 58%, 74% og 90%.
   Þegar spurt var hvar nemendur teldu líklegast að þeir mundu búa að námi loknu kom Akranes áberandi betur út en aðrir staðir á Vesturlandi. Af þeim sem nú búa á Akranesi taldi 51% sig líklega mundu búa þar áfram. Samsvarandi tala fyrir Borgarbyggð var 36% og fyrir þéttbýlisstaði á Snæfellsnesi á bilinu 25% til 31%.

12. maí: Afreks- og hvatningarsjóður stúdenta HÍ - umsóknarfrestur til 5. júní
Ellefu styrkir verða veittir úr Afreks- og hvatningarsjóði stúdenta Háskóla Íslands 16. júní næstkomandi. Um er að ræða styrki til nemenda sem náð hafa afburðaárangri á stúdentsprófi og innritast í Háskóla Íslands. Hver styrkur nemur 300.000 krónum auk niðurfellingar skráningargjalds í Háskólann, sem er 45.000 krónur.
   Umsóknarfrestur um styrki úr sjóðnum fyrir þetta ár rennur út 5. júní.
   Stjórn sjóðsins velur styrkhafana en við valið er einkum tekið mið af framúrskarandi námsárangri á stúdentsprófi. Einnig er horft til virkni í félagsstörfum og árangurs stúdenta á öðrum sviðum svo sem í listum og íþróttum. (Nánari upplýsingar ...)

7. maí 2009: Um tveir þriðju hlutar stúdenta ljúka háskólanámi
Hagstofa Íslands hefur tekið saman gögn um háskólanám stúdenta frá Fjölbrautaskóla Vesturlands.
   Í gögnunum kemur meðal annars fram að á 5 ára tímabili frá haustönn 1995 til vorannar 2000 luku 342 nemendur stúdentsprófi frá skólanum, 229 konur og 113 karlar. Í lok árs 2008 höfðu 214 af þessum nemendum lokið einhverju háskólaprófi, þar af 140 konur og 74 karlar.
   Af þessum gögnum má ráða að næstum tveir þriðju hlutar stúdenta frá Fjölbrautaskóla Vesturlands ljúki háskólanámi innan 8 ára frá útskrift og að í þeim hópi séu konur um tvöfalt fleiri en karlar.

30. apríl: Kveðjuhóf útskriftarnema (Myndir ...)
Í dag héldu nemendur sem útskrifast í lok annar kveðjuhóf (dimission). Það fór fram með hefðbundnum hætti. Nemendurnir buðu starfsfólki til morgunverðar klukkan 9:30 og héldu skemmtun á sal í síðustu kennslustund fyrir hádegi. Þeir voru klæddir sem kúrekar.
   Myndin hér að neðan var tekin í morgunverðarboðinu. Hægt er að sjá fleiri myndir með því að smella hér.

Fleiri fréttir ...