Lið FVA komið í undanúrslit Gettu betur

Gettu betur í kvöld

Í kvöld mun Gettu betur liðið okkar, þau Anna, Elmar og Jón Hjörvar mæta liði Flensborgarskólans í Hafnarfirði í 8 liða úrslitum. Viðureignin verður sýnd beint á RÚV og hefst klukkan 20:10. Þeir sem eru búnir að næla sér í miða á keppnina eiga að mæta í rútuna fyrir utan FVA klukkan 18:15. Þeir sem ekki eiga miða stilla auðvitað á RÚV kl. 20:10. Áfram FVA!

Jöfnunarstyrkur á vorönn 2015

Umsóknarfrestur um jöfnunarstyrk vegna vorannar 2015 er til 15. febrúar næstkomandi. Nemendur geta sótt um jöfnunarstyrkinn í gegnum sitt svæði í heimabankanum sínum og í Innu. 

Undirbúningur fyrir Gettu betur

Þessa dagana er Gettu betur liðið okkar, þau Anna, Elmar og Jón á fullu að undirbúa sig fyrir næstu viðureign en á miðvikudaginn mæta þau liði Flensborgarskólans í Hafnarfirði í 8 liða úrslitum. Í dag kom upptökufólk frá RÚV og spjallaði við þau en viðureignin verður sýnd beint á RÚV. Áfram FVA!

Þemavikur í mötuneyti FVA

Í mötuneyti FVA er boðið upp á hefðbundinn og hollan heimilismat alla virka daga vikunnar. Þessa dagana eru í gangi þemavikur í mötuneytinu og nú er mexíkóskri viku að ljúka en í næstu viku munu þau Birkir, Hrefna og Kidda bjóða upp á mat með austurlensku ívafi. Nánari upplýsingar eru á Facebook síðu mötuneytisins.

Rafiðnadeild FVA fær gjöf frá Smith & Norland

Nemendur og kennarar rafiðnadeildar FVA hafa nokkrum sinnum heimsótt fyrirtækið Smith & Norland. Í framhaldi af því ákváðu starfsmenn og stjórnendur S&N að gefa rafiðnadeildinni ýmiss konar kennslubúnað og kom Jón Arnar starfsmaður fyrirtækisins í heimsókn og færði deildinni töfluskápa, gripvarrofa, hitamæla, straumspenna og neozed öryggi. Rafiðnadeildin er ákaflega þakklát fyrir búnaðinn sem á örugglega eftir að koma að góðum notum í framtíðinni og vonast eftir áframhaldandi samstarfi við S&N. 

Á myndinni eru talið frá vinstri: Hjálmur Geir Hjálmsson kennari, Hafliði Guðjónsson kennari, Jón Arnar starfsmaður S&N og Eiríkur Guðmundsson kennari.

Gettu betur lið skólans komst áfram í þriðju umferð

Í kvöld keppti lið FVA við lið Framhaldsskólans í Mosfellsbæ í annarri umferð Gettu betur. Okkar fólk vann viðureignina með 23 stigum gegn 16 stigum FMos og er lið FVA því komið áfram í þriðju umferð keppninnar. Við óskum þeim Önnu Eze, Elmari Gísla Gíslasyni og Jóni Hjörvari Valgarðssyni til hamingju með sigurinn í kvöld.

Gettu betur lið skólans komst áfram í aðra umferð

Nú er fyrri umferð spurningakeppninnar Gettu betur lokið og í gærkvöldi keppti lið FVA við lið Menntaskólans að Laugarvatni. Okkar fólk vann viðureignina með 25 stigum gegn 14 stigum ML og er lið FVA því komið áfram í aðra umferð keppninnar. Við óskum þeim Önnu Eze, Elmari Gísla Gíslasyni og Jóni Hjörvari Valgarðssyni til hamingju með sigurinn.

Í annarri umferð eða 16 liða úrslitum keppninnar mun okkar lið mæta liði Framhaldsskólans í Mosfellsbæ og verður viðureigninni útvarpað beint á Rás 2, mánudaginn 19. janúar, klukkan 21. - Áfram FVA!

Söngleikurinn Grease

Þetta árið mun NFFA setja upp söngleikinn Grease sem Hallgrímur Ólafsson leikstýrir. Prufur verða laugardaginn 17. janúar kl. 13:00 á sal FVA. Þeir sem vilja vera með og taka þátt í uppsetningu verksins þurfa að skrá sig á lista sem eru á auglýsingatöflum skólans. Skráningu lýkur föstudaginn 16. janúar kl. 14:35. Nánari upplýsingar eru á Facebook síðu nemendafélagsins.

Helgarkennsla í vélvirkjun – dagatal

Dagatal fyrir helgarkennslu í vélvirkjun Haust 2015 er komið á vef skólans. Sjá krækjuna Vélvirkjanám m. vinnu hér til hægri.

Heimsókn nemenda í fyrirtækið Skagann og Þorgeir & Ellert

Nýverið heimsóttu nemendur í málmiðngreinum fyrirtækið Skagann og Þorgeir & Ellert til að kynna sér starfsemi þess og vinnsluferli lausfrystingar. Fyrirtækið er framsækið á sviði lausfrystingar fyrir matvælaiðnaðinn auk þess að vera í fremstu röð í tækjabúnaði fyrir vinnslu á uppsjávarfiski. Fyrirtækið er staðsett  á Akranesi og þar starfa um 100 manns. Málmiðndeild FVA fékk lítinn og fullkominn plötufrysti að láni frá fyrirtækinu sem verður nýttur við kennslu í kælitækni. Með þessu mun kennsla í kælitækni verða markvissari og nemendum gefst tækifæri til að kynnast betur nýjungum á þessu sviði en mikil þörf er á fagmönnum með sérhæfingu í kælitækni um land allt.

Skóladagatal

Skóladagatal 2017-2018  liggur hér frammi í PDF-skrá.

Fyrsti umsjónartími annarinnar

Í morgun var fyrsti umsjónartími annarinnar og í lok hans söfnuðust allir nemendur skólans saman inn á sal þar sem Ágústa Elín Ingþórsdóttir nýr skólameistari FVA ávarpaði þá.