Jarðfræðiferð

Í morgun fóru nemendur í jarðfræði (JAR103) í ferð ásamt kennara sínum Finnboga Rögnvaldssyni. Myndin hér að neðan var tekin af hópnum við öskjubrot Hvalfjarðareldstöðvarinnar fyrir ofan Miðsand.

Nýr fjármálastjóri FVA

Gengið hefur verið frá ráðningu Kára Haraldssonar í tímabundið starf fjármálastjóra Fjölbrautaskóla Vesturlands á Akranesi, en níu sóttu um stöðuna. Um er að ræða tímabundið starf vegna afleysingar þar sem Guðrún Lind Gísladóttir núverandi fjármálastjóri fer í barneignarleyfi á næstunni. Kári mun sinna starfi fjármálastjóra frá fyrri hluta október 2014 til upphafs haustannar 2015. Við bjóðum Kára velkominn til starfa.

Frestur til að sækja um jöfnunarstyrk fyrir haustönn 2014 rennur út 15. október

Í dag, 24. september er opnað fyrir umsóknir vegna jöfnunarstyrks á skólaárinu 2014 til 2015. Nemendur geta sótt um jöfnunarstyrkinn í gegnum sitt svæði í heimabankanum sínum eða í Innu. Umsóknarfrestur vegna haustannar 2014 er til 15. október næstkomandi. Upplýsingar um styrkinn og hverjir eiga rétt á honum eru á vefnum http://www.lin.is.

FVA í öðru sæti í Hjólum í skólann 2014

Hjólum í skólann árið 2014 stóð frá 12. – 16. september. Alls tóku 19 framhaldsskólar þátt í ár. Þátttakendur voru alls 1.236 og hjólaðir voru 12.528 km eða 9,36 hringir í kringum Ísland. Ferðamáti þátttakenda skiptist svona: hjólað 65,6%, strætó/ganga 19,4%, ganga 11,9%, strætó/hjólað 2,0%, hlaup 1,0%, annað 0,2% og línuskautar 0%.

Það voru alls fimm skólar skráðir til leiks í flokki skóla með 400 – 999 nemendur og starfsmenn. Framhaldsskólinn í Mosfellsbæ sigraði þann flokk, FVA endaði í öðru sæti og í þriðja sæti varð Fjölbrautaskólinn í Garðabæ. Fulltrúar skólanna tóku við viðurkenningu í Íþróttamiðstöðinni í Laugardal í hádeginu í gær. Myndirnar hér að neðan voru teknar við afhendinguna en fulltrúar FVA voru þær Anna Bjarnadóttir og Margrét Þorvaldsdóttir.

Berlínarfarar FVA

Nemendur í áfanganum EVR 373 Berlín - menning, mannlíf og saga stóðu fyrir ýmsum viðburðum í síðustu viku. Á morgnana var seldur hafragrautur og á kvöldin var m.a. haldið kaffihúsakvöld, Pub Quiz og kvikmyndakvöld. Kaffihúsakvöldið var vel sótt og spiluðu gestir bingó um glæsilega vinninga sem ýmis fyrirtæki á Akranesi gáfu. Einnig voru þar gómsætar veitingar í boði gegn vægu gjaldi. Þá var haldinn nytjamarkaður í Þorpinu þar sem hægt var að gera góð kaup. Hópurinn stefnir að því að halda nytjamarkaðinn aftur. Þetta var liður í fjáröflun nemenda því á döfinni er námsferð til Berlínar. Í áfanganum EVR 373 eru 20 nemendur og læra þau um Berlín, t.d. um áhugaverða staði, sögu borgarinnar og skipuleggja með aðstoð Kristínar Kötterheinrich kennara, ferð til Berlínar 12.-16.október. Hópurinn heldur úti Facebook síðu þar sem hægt er að fylgjast með fjáröflun hópsins og ferðinni þegar þar að kemur. Myndirnar hér að neðan voru teknar á kaffihúsakvöldinu.

Fundargerð skólanefndarfundar frá 2. september

Þann 2. september var haldinn fundur í skólanefnd Fjölbrautaskóla Vesturlands. Fundargerð liggur frammi á þessum vef (undir skjöl í reitnum neðst til hægri).

Atli Harðarson lætur af störfum

Afmæli skólans - Sigga Dögg á sal

Í dag á Fjölbrautaskóli Vesturlands 37 ára afmæli. Í til­efni þess heimsótti Sigríður Dögg Arnar­dótt­­ir (Sigga Dögg) kynfræðingur skólann og talaði um kynlíf við fullan sal nemenda í síðasta tíma fyrir hádegi.

Ferð starfsbrautar í Skorradal

Á miðvikudag og fimmtudag í þessari viku var útivistarferð starfsbrautar. Farið var í Skorradal, gist í skála og gengið um í náttúrunni. Myndin er tekin af hópnum við Skorradalsvatn.

Stöðupróf í erlendum tungumálum

Stöðupróf í tungumálum á vegum mennta- og menningarmálaráðuneytisins verða haldin 17. september kl. 16:00 í Menntaskólanum við Hamrahlíð. Prófað verður í eftirtöldum tungumálum: albönsku, filipísku (tagalog og bisaya), finnsku, hollensku, japönsku, kínversku, króatísku, lettnesku, litháísku, portúgölsku, pólsku, rússnesku, svahílí og víetnömsku.
   Frekari upplýsingar á skrifstofu Menntaskólans við Hamrahlíð í síma 595-5200.
   Sýna þarf persónuskilríki með mynd í prófinu. Prófgjald er 8000 krónur fyrir hvert próf, ber að greiða inn á reikning Menntaskólans við Hamrahlíð í banka 323 hb 26 nr 106, kt. 460269-3509. Greiðslufrestur er til hádegis 17. september. Nauðsynlegt er að við greiðslu komi fram nafn og kennitala próftaka. Réttur til próftöku byggist á að prófgjald hafi verið greitt. Skráning á www.mh.is.

Staða skólameistara auglýst laus til umsóknar

Staða skólameistara Fjölbrautaskóla Vesturlands hefur verið auglýst laus til umsóknar á vefnum starfatorg.is. Umsóknarfrestur er til 22. september.

Fundur í skólanefnd

Í gær var haldinn fundur í skólanefnd Fjölbrautaskóla Vesturlands. Á fundinum var Reynir Þór Eyvindsson kosinn formaður nefndarinnar til eins árs. Á dagskrá fundarins voru: Yfirlit um breytingar á starfsliði og auglýsingar á störfum; Innritun og upphaf haustannar; Rekstur skólans; Framtíðarhorfur skólans; Möguleikar á að afla tekna með leigu á húsnæði skólans; Aðkoma nefndarinnar að ráðningu skólameistara; Kosning formanns. Fundargerð birtist hér á skólavefnum einhvern næstu daga.
   Í lok fundar var ljósmyndin hér að neðan tekin af nefndarmönnum ásamt skólameistara og áheyrnarfulltrúum nemenda og kennara.

Frá vinstri til hægri: Atli Harðarson skólameistari, Reynir Þór Eyvindsson, Hjördís Hjartardóttir, Eiríkur Guðmundsson fulltrúi kennara, Helena Guttormsdóttir, Dagbjört Guðmundsdóttir,  Adda Malín Vilhjálmsdóttir fulltrúi nemenda, Thelma Hrund Sigurbjörnsdóttir. 

Hjólum í skólann

Hjólum í skólann – framhaldsskólakeppni fer fram dagana 10. til 16. september í tengslum við Evrópsku samgönguvikuna. Starfsfólk og nemendur framhaldsskóla eru hvattir til að vera með. Skráning og upplýsingar á vefnum http://www.hjolumiskolann.is/. 

tilllaga_malabraut

Tillaga um framtíðarskipan náms á málabraut (MB)

Fyrir liggur tillaga um að skipan náms á málabraut verði með eftirfarandi hætti þegar skólanámskrá verður löguð að nýtti aðalnámskrá.

Málabraut er ætlað að veita nemendum góða, almenna undirstöðuþekkingu í bóklegum greinum með áherslu á erlend tungumál. Brautin býr nemendur undir framhaldsnám í háskóla, einkum þar sem gerð er krafa um góða tungumálakunnáttu. Nám á málabraut tekur að jafnaði 8 annir.

Áfangar á málabraut (140 ein.)

Íslenska                         ÍSL 103, 203, 303, 403, 503          15 ein.
Stærðfræði                       STÆ 103, 203                          6 ein.
Erlend tungumál                                                                
Danska^*                          DAN 103, 203, 303                     9 ein.  
Enska                            ENS 103, 203, 303, 403, 503          15 ein.  
3. erl. mál                         103, 203, 303, 403                12 ein.  
4. erl. mál                         103, 203, 303, 403                12 ein. Samfélagsgreinar
Félagsfræði                      FÉL 103, 203                          6 ein.
Landafræði                       LAN 103                               3 ein.  
Saga                             SAG 103, 203, 303 + 3 ein.           12 ein.   Sálfræði                         SÁL 103                                3 ein.
Uppeldisfræði                    UPP 103                               3 ein.
Lífsleikni                       LKN 103                               3 ein. 
Náttúruvísindi                   NÁT 103, 113, 123                     9 ein.
Tölvufræði eða upplýsingatækni   + 3 ein.                              3 ein.
Listgrein eða handverk           + 3 ein.                              3 ein.
Val milli bóklegra greina^**      + 9 ein.                              9 ein.
Frjálst val                      + 9 ein.                              9 ein.
Íþróttir                         ÍÞR 102, 202 + 4 ein.                 8 ein.

^*Í stað dönsku má taka norsku eða sænsku.

^** Val milli bóklegra greina er samtals 9 einingar í einhverjum eftirtalinna námsgreina: bókfærsla, danska, eðlisfræði, efnafræði, enska, félagsfræði, franska, hagfræði, heimspeki, íslenska, jarðfræði, landafræði, líffræði, saga, sálfræði, stærðfræði, tölvufræði, uppeldisfræði, upplýsingatækni, viðskiptafræði og þýska.

Málabraut skv. aðalnámskrá frá 1999/2004