Útskrift desember 2017
Útskrift desember 2017
Jafnrétti - Virðing - Fjölbreytileiki
Jafnrétti - Virðing - Fjölbreytileiki
Fjölbreytt nám
Fjölbreytt nám
Previous Next Play Pause
1 2 3

H17UÍ dag voru 62 nemendur brautskráðir frá Fjölbrautaskóla Vesturlands. Athöfnin fór fram á sal skólans og hófst klukkan 14.

Dröfn Viðarsdóttir aðstoðarskólameistari flutti annál haustannar 2017; Elvar Már Sturlaugsson nýstúdent flutti ávarp fyrir hönd útskriftarnema og Óli Örn Atlason fyrrverandi nemandi skólans flutti ávarp. Hilmar Örn Jónsson hlaut viðurkenningu skólans fyrir bestan árangur á stúdentsprófi á haustönn 2017.

Fyrir athöfnina lék hljómsveit skipuð nemendum úr Tónlistarskólanum nokkur vel valin lög. Hana skipuðu: Brynhildur Traustadóttir, Eiður Andri Guðlaugsson, Eyrún Sigþórsdóttir, Freyja María Sigurjónsdóttir, Oddný Guðmundsdóttir og Þórdís Eva Rúnarsdóttir

Við athöfnina fluttu Edgar Gylfi Skaale Hjaltason og Halla Margrét Jónsdóttir eitt lag á píanó. Jóna Alla Axelsdóttir söng eitt lag við undirleik Birgis Þórissonar og þau Oddný Guðmundsdóttir, Edgar Gylfi Skaale Hjaltason og Sigurður Jónatan Jóhannsson fluttu eitt lag við undirleik Birgis Þórissonar.

Eftirtaldir útskriftarnemar fengu verðlaun og viðurkenningar fyrir ágætan námsárangur og störf að félags- og menningarmálum. Nöfn þeirra sem gáfu verðlaun eru innan sviga.


• Alexander Örn Kárason fyrir ágætan árangur í þýsku (Omnis Verslun) og fyrir ágætan árangur í stærðfræði (Íslandsbanki Akranesi)
• Anna Karolina Belko, hvatningarverðlaun til áframhaldandi náms (Zontaklúbbur Borgarfjarðar)
• Axel Guðni Sigurðsson fyrir ágætan árangur í sérgreinum rafiðngreina (Skaginn 3X)
• Catherine Soffía Guðnadóttir fyrir ágætan árangur í ensku og dönsku (Fjölbrautaskóli Vesturlands)
• Elsa Jóna Björnsdóttir fyrir ágætan árangur í sérgreinum sjúkraliðabrautar (Rótarýklúbbur Akraness)
• Elvar Már Sturlaugsson fyrir ágætan árangur í þýskur (VS - Tölvuþjónusta) og fyrir ágætan árangur í íþróttum (Fjölbrautaskóli Vesturlands)
• Friðrik Snær Ómarsson fyrir ágætan árangur í þýsku og dönsku (Penninn Eymundsson Akranesi); fyrir ágætan árangur í stærðfræði (Norðurál) og fyrir ágætan árangur í efnafræði og líffræði (Elkem Ísland)
• Hilmar Örn Jónsson fyrir ágætan árangur í stærðfræði (Íslenska stærðfræðifélagið); fyrir ágætan árangur í ensku og þýsku (Fjölbrautaskóli Vesturlands); fyrir ágætan árangur í raungreinum (Gámaþjónusta Vesturlands) og fyrir ágætan árangur í stærðfræði og eðlisfræði (Minningarsjóður Þorvaldar Þorvaldssonar)
• Jón Jóhannsson fyrir ágætan árangur í sérgreinum í húsasmíði (Meitill og GT Tækni)
• Linda María Rögnvaldsdóttir hlaut viðurkenning fyrir góð störf að félags- og menningarmálum (Minningarsjóður Karls Kristins Kristjánssonar)
• Vigdís Erla Sigmundsdóttir fyrir ágætan árangur í íþróttum og samfélagsgreinum (Verkalýðsfélag Akraness); fyrir ágætan árangur í stærðfræði (Landsbankinn Akranesi) og fyrir ágætan árangur í efnafræði (Sóroptimistasystur Akranesi)


Ágústa Elín Ingþórsdóttir skólameistari ávarpaði útskriftarnemendur í lokin og óskaði þeim gæfu og velfarnaðar. Síðan risu gestir úr sætum og sungu saman Bráðum koma blessuð jólin eftir Jóhannes úr Kötlum.

 

Please publish modules in offcanvas position.