Erlent samstarf í Fjölbrautaskóla Vesturlands skólaárið 2002 - 2003
Heimsóknir í FVA
Í september komu 8 ítalskir nemendur, frá I.T.I.S. Giorgi í Mílanó, og 2 kennarar. Nemendurnir dvöldu hér í 3 vikur en kennararnir skiptu þessum tíma á milli sín. Ítalirnir voru fyrstu og síðustu vikuna í skólanum en eina viku dvöldu þeir á vinnustöðum í starfskynningu. Þeir bjuggu allir hjá íslenskum fjölskyldum.
Í mars kom sænskur nemandi í fimm daga heimsókn til Íslands, til þess að afla gagna fyrir lokaverkefni sitt um hveri. Hluta þess tíma dvaldi hún á heimavist FVA og var skólinn henni innan handar með dvölina að öðru leyti.
Finnskur tréiðnanemandi og kennari hennar komu hingað í dagsheimsókn í mars. Undirrituð var þeim innan handar við skipulagningu lengri dvalar á Íslandi.
4 finnskir nemendur dvöldu á Akranesi á vegum FVA í mánuð, á tímabilinu mars-apríl. Þessir nemendur fengu allir nemapláss á vinnustöðum. Þrír þeirra bjuggu á heimavist FVA en einn bjó í heimahúsi. Allir fengu þeir fæði í mötuneyti FVA.
Utanfarir nemenda og kennara FVA
Hér eru einungis talin þau verkefni sem undirrituð hefur haft afskipti af, fleiri kennarar en hér eru taldir hafa farið utan, á eigin vegum.
Í lok október sóttu kennari og námsráðgjafi FVA dyslexíuráðstefnu í Gautaborg. Nordens Folkelige Akademi styrkti þessa þátttakendur, auk þess sem styrkur fékkst frá Endurmenntunarstofnun HÍ.
Í desember fóru 2 kennarar á undirbúningsfund til Napolí fyrir nýtt Comenius-samstarfsverkefni, sem hefjast á næsta haust. Þessi ferð var styrkt sem Comenius undirbúningsheimsókn, af Alþjóðaskriftstofu háskólastigsins.
Í febrúar fór stærðfræðikennari, sem vinnur í eSchola / ENIS samstarfsverkefni með Belga og Ítala, ásamt undirritaðri á Schoolnet ráðstefnu Evrópska skólanetins í Brussel. Menntamálaráðuneytið og Evrópska skólanetið greiddu ferðir og uppihald.
Í febrúar fóru 8 íþróttarbrautarnemendur og íþróttakennari til hálfsmánaðar dvalar í Aasiaat, Grænlandi. Ferðir og uppihald fékkst styrkt úr Nordplus Junior sjóð Norrænu ráðherranefndarinnar.
Í mars fóru sex tréiðnanemendur til Östersund, Svíþjóð, og Turku, Finnlandi. Nemendur dvöldust í þrjár vikur ytra, þrír á hvorum stað. Tveir kennarar fóru til viku dvalar á hvorn staðinn. Þessar ferðir voru styrktar sem mannaskipti úr Leonardósjóðum, þ.e. af Starfsmenntunaráætlun Evrópusambandsins.
Í mars fóru sex rafvirkjanemendur til Skellefteå, Svíþjóð, og Kemi, Finnlandi. Nemendur dvöldust í þrjár vikur ytra, þrír á hvorum stað. Tveir kennarar fóru til viku dvalar á hvorn staðinn. Þessar ferðir voru styrktar sem mannaskipti úr Leonardósjóðum.
Í mars fóru einn kennari og átta nemendur í tæprar viku heimsókn til Muurame. Ferðakostnaður fékkst að mestu styrktur sem Vest-norden verkefni, frá Norrænu ráðherranefndinni.
Í júní munu 4 kennarar FVA fara á lokafund vegna Comenius-verkefnis sem er að renna sitt skeið á enda, til Napolí.
Undirrituð mun láta af störfum sem umsjónarmaður erlends samstarfs í FVA nú í vor.
Gert þann 4. maí 2003
Harpa Hreinsdóttir
harpa@ismennt.is
http://www.fva.is/harpa/