Lestu brotin úr „Dýrasögu“ Ástu Sigurðardóttur, Vögguvísu Elíasar Mars og Biobörnum Yrsu Sigurðardóttur sem eru í fjölritaða heftinu.

Einnig þarftu að hafa séð Stellu í orlofi og ná þér í eintak af barnabók, kennslubók í sögu, félagsfræði eða náttúrufræði og einhverja Íslendingasögu.  (Bækurnar má eflaust nálgast á bókasafni.)

Verkefni úr þessum hluta eru margþætt og má vinna þau 2 saman eða skila sem einstaklingsverkefnum. Þessum verkefnum á bæði að skila á tölvutæku formi (helst í tölvupósti til harpa@fva.is) og útprentuðum á pappír.  Skilafrestur rennur út 13. febrúar en verkefnum má skila hvenær sem er fyrir þann tíma.  Þegar nemandi hefur skilað verkefnum í þessum námsþætti þarf hann ekki að mæta í kennslustundir fyrr en næsti hluti hefst. Gefin verður einkunn fyrir verkefnin og einnig verða sum svörin birt á vefsíðum (svo það borgar sig að vanda sig!)

---

1.  Skrifaðu ½ - 1 síðu þar sem þú gerir grein fyrir hvernig málfar er hluti af persónusköpun í bókmenntunum sem eru í fjölritaða heftinu.  (Hvað segir t.d. málfarið lesanda um aldur sögupersóna, menntun, stétt og stöðu?  Hefur þessi þáttur í persónusköpun Ástu Sigurðardóttur og Elíasar Mars elst vel eða er eitthvað af þessu illskiljanlegt nútímalesanda? )  Hvað með málfar í kvikmyndum, t.d. málfar sveitabarnanna og borgarbarnanna í Stellu í orlofi?

2. Læsileiki texta:

Greindu læsileika (lix-stuðul skv. kenningum Björnssons)  í einni barnabók (fyrir 3- 7 ára börn), einni kennslubók (athugaðu að texti hennar verður að vera í samfelldu máli) og einni Íslendingasögu.  Skilaðu útreikningum ásamt niðurstöðum.

Hvernig er hægt að nýta mælikvarða Björnssons sem leiðbeiningar í að skrifa læsilegan texta?  (Þ.e.a.s. hvað er það sem gerir texta læsilegan eða ekki læsilegan skv. mælikvarðanum?)