LA BELLE Mín er meyjan væna  mittisgrönn og fótnett,  bjarteyg, brjóstafögur,  beinvaxin, sviphrein.  Hvít er hönd á snótu,  himinbros á kinnum,  falla lausir um ljósan  lokkar háls inn frjálsa.  (Jónas Hallgrímsson)

SVAR TIL JÓNASAR Minn er sveinninn svinni með sléttan maga og þétta hönd og hvelfdar lendar, herðar breiðar gerðar. Mánabirtan brúna brosir hrein við drósum. Veit hann vörum heitum, votum hvar skal beita.   (Birta) Ljóðið birtist í Lesbók Morgunblaðsins 13. desember 2003, s. 12.  Höfundur  veitti leyfi fyrir þessari birtingu,  í símtali þann 30. desember 2003.