Eins og kemur fram á kennsluáætlun verða haldin 3 próf á önninni, sem hvert gildir 25% af lokaeinkunn.  Prófin verða blanda af krossaspurningum og annars konar spurningum, ekki er þó gert ráð fyrir ritgerðarspurningum.  Þessi próf verða haldin í kennslustundum og miðað við að vel lesinn nemandi ljúki því að svara slíku prófi á 30 mínútum.  Ekki gefst lengri próftími en ein kennslustund (u.þ.b. 55 mínútur).

Prófin eru haldin:

• Í lok 7. viku  úr 1. - 81. kafla;
• Í lok 11. viku  úr 82. - 132. kafla;
• Í byrjun 17. viku  úr 133. - 159. kafla.

Þessi próf verða ekki birt á vefsíðum og nemendur fá þau ekki til eignar.

Ef nemandi kemst ekki í próf á auglýstum tíma fær hann að skrifa tímaritgerð í staðinn, sjá nánar á síðu um námsmat áfangans.
 
 
 
 
 
 

Gert í byrjun janúar 2006
Harpa Hreinsdóttir