Sáð
til framtíðar
Verkefni
á vegum Comeniusáætlunar Evrópusambandsins
Í
stuttu máli má segja að verkefnið
snúist um umhverfismál, sjálfbærni
og náttúruvernd; áhrif manna
á landgæði og loftslag.
Framkvæmdin
er hugsuð þannig að sendinefndir nemenda
og kennara frá þátttökulöndum
heimsæki þátttökuskólana
og taki þátt í athöfnum tengdum
útivist, svo sem gönguferðum, einhverjum
framkvæmdum eða skoðunarferðum.
Þannig fengju þátttakendur m.a.
að kynnast sambúð manna og náttúru
í ólíkum löndum, landnýtingu,
uppblástur og landgræðslu.
Þetta eiga að vera þverfagleg verkefni,
gætu bæði tengst náttúrufræðum,
menningarsögu, listum, tækni, samfélagi
og vitanlega tungumálum. Dæmigerð
viðfangsefni verða m.a. að gróðursetja
tré, skoða landgræðslu, orku-
eða endurvinnsluaðferðir, gista í
fjallakofum o.s.frv.
Hinir einstöku skólar skipuleggja og
standa fyrir vinnubúðum (workshops) þar
sem þeir taka við fulltrúum hinna
skólanna, að jafnaði einum kennara
og tveimur nemendum. Þátttökulönd
og -skólar eru 11 og því verður
að gera ráð fyrir að gestir verði
30 alls. Nemendur munu gista hjá fjölskyldum
nemenda í viðtökuskólanum en
kennarar væntanlega yfirleitt á venjulegum
gististöðum.
Vinnubúðirnar standa að jafnaði
í fimm daga en gert er ráð fyrir
að hver ferð taki eina viku. Nemendur sem
taka þátt þurfa því
að vera reiðubúnir að skjóta
skjólshúsi yfir einn eða tvo gesti
meðan á dvölinni stendur en fá
í staðinn að fara sem fulltrúar
skólans í heimsókn til einhvers
annars þáttökulands og gista þar
hjá fjölskyldum nemenda, væntanlega
einhverjum sem þeir hafa hitt meðal gesta
í eigin landi.
Þátttakendur
Allt að 20 nemendur verða valdir til að
taka þátt í þessu verkefni.
Þeir verða fulltrúar skólans
út á við og verða að uppfylla
ákveðin skilyrði, umfram allt það
að mega við því að fórna
tíma frá eigin námi til að
glíma við annars konar nám. Ekki
er gert ráð fyrir að nemendur þurfi
að bera sérstakan kostnað af ferðum
sínum eða uppihaldi. Helstu formlegu skilyrðin
eru þessi:
1. Geta
tekið að sér að hýsa erlendan
gest í fimm til sex daga eða geta veitt
aðra aðstoð, t.d. við að útvega
gistingu, ef þeir búa sjálfir
ekki á Akranesi.
2. Vera reiðubúin(n) að fara í
vinnuferð fyrir hönd skólans á
tímanum sem verkefnin standa yfir og skv. nánara
samkomulagi við skipuleggjendur.
3.
Hafa lokið grunnáföngum.
4. Hafa góða enskukunnáttu.
5. Hafa sýnt bærilega ástundun
í skólanámi.
7. Hafa áhuga á að taka þátt
í verkefnum af því tagi sem hér
um ræðir.
8. Vera tilbún(n) að liðsinna við
móttöku erlendra gesta þegar á
þarf að halda.
9. Æskilegt er nemendur séu á
aldursbilinu 17 - 21 þegar að ferðalaginu
kemur.
Athugið
að ferðir ber sumar upp að vori og sumri,
sbr. áætlun sem fylgir hér á
eftir.
Þeir sem hafa áhuga á að sækja
um þátttöku geta prentað út
eyðublað hér en skulu skila því
í hólf aðstoðarskólameistara
eða á skrifstofu.
Umsóknareyðublað
|
